Mourinho បន្ទោសកីឡាករ Spurs ខ្លាំងបន្ទាប់ពីចាញ់ Everton
- 2020-09-15 14:30:50
- ចំនួនមតិ 0 | ចំនួនចែករំលែក 0
Mourinho បន្ទោសកីឡាករ Spurs ខ្លាំងបន្ទាប់ពីចាញ់ Everton
ចន្លោះមិនឃើញ
លោក Jose Mourinho អ្នកចាត់ការក្លឹប Tottenham Hotspur បាននិយាយកាលពីបន្ទាប់ពីចាញ់ក្លឹប Everton នៅក្នុងការប្រកួត Premier League កាលពីថ្ងៃទី១៣ ខែកញ្ញា ឆ្នាំ២០២០ថា មូលហេតុដែលចាញ់នៅក្នុងថ្ងៃនេះដោយសារតែ កីឡាកររបស់លោកមិនបានហ្វឹកហាត់ និងត្រៀមខ្លួនគ្រប់គ្រាន់។
លោក Mourinho បាននិយាយថា៖" តទល់ជាមួយនឹងក្លឹប Everton អីហ្នឹងយើងមិនត្រូវឲ្យគេលេងបុកមកមុនបានអញ្ចឹងទេ ព្រោះពួកគេពូកែខាងហ្នឹង។ ខាងយើងចង់លេងតាក់តិចអញ្ចឹងដែរ តែធ្វើអត់បាន ដោយសារតែពួកយើង អត់បានត្រៀមខ្លួន និងហ្វឹកហាត់គ្រប់គ្រាន់មុនពេលរដូវកាលចាប់ផ្ដើម។ "
លោកបានបន្តថា៖" កីឡាករយើងខ្លះបានតែត្រៀមខ្លួនមុនការប្រកួតជាមួយក្លឹបហ្នឹងមុនពីរថ្ងៃហ្នឹង ខ្លះអត់ដឹងធ្វើអីផង។ មួយវិញទៀតឥឡូវរាងពិបាករកគ្រាប់បាល់ណាស់ វាមិនងាយមានការទាត់ Free-Kick ដូចលើកមុនទេដោយសារតែមានអាជ្ញាកណ្ដាល ៦នាក់ហើយ VAR អីហ្នឹងទៀត។ "
គួរបញ្ជាក់ផងដែរថា Spurs បានចាញ់នឹង Everton កាលពីថ្ងៃទី១៣ ខែកញ្ញា ឆ្នាំ២០២០ ក្នុងលទ្ធផល ០-១ នៅការប្រកួត Premier League ដើមរដូវកាលឆ្នាំ២០២០/២១ នេះ៕