មិននៅផលិតកម្មរួម ក៏ EXO និង BLACKPINK មានឱកាសក្លាយជាតារារួម Brand តែមួយ
- 2020-09-22 01:33:53
- ចំនួនមតិ 0 | ចំនួនចែករំលែក 0
មិននៅផលិតកម្មរួម ក៏ EXO និង BLACKPINK មានឱកាសក្លាយជាតារារួម Brand តែមួយ
ចន្លោះមិនឃើញ
ពិតណាស់ EXO និង BLACKPINK ជាក្រុមចម្រៀងដែលស្ថិតនៅក្រោមផលិតកម្មខុសគ្នា ហើយបើនិយាយពីឱកាសរួមការងារជាមួយគ្នាក៏តិចដែរ។ ប៉ុន្តែមិនមែនជាបញ្ហាទេ ព្រោះទោះជាយ៉ាងណា ពួកគេទាំង ២ក្រុមនៅតែអាចរួមការងារតាមរយៈការងារផ្សេងៗទាល់តែបាន គឺគ្មានអ្វីក្រៅពីការធ្វើជាតារាតំណាង ឬទូតសុឆន្ទៈឲ្យផលិតផលម៉ាកល្បីៗនោះទេ។
ទស្សនាដូចខាងក្រោម តើសមាជិករបស់ក្រុមទាំង ២ អ្នកណាខ្លះរួមជាតារាតំណាង Brand តែមួយ?
១. Sehun និង Jisoo
អ្នកទាំង ២បានក្លាយជាតារាថ្មីចុងក្រោយដែលត្រូវបានជ្រើសជាតារារបស់នាឡិកាម៉ាកល្បី Pasha de Cartier។ សម្រស់ស្អាតបែបធម្មជាតិ សមឥតខ្ចោះរបស់អ្នកទាំង ២ ត្រូវបានបង្ហាញឡើងតាមរយៈរូបភាព Teaser ថ្មីដែលទើបចេញផ្សាយ។
២. Suho និង Lisa
១គូនេះវិញ ត្រូវបានជ្រើសជាតារាតំណាងរបស់ BVLGARI ហើយបានបង្ហាញមុខរួមគ្នាក្នុងកម្មវិធីសម្ពោធនាឡិកាម៉ាកថ្មី BVLGARI Serpenti Seduttori កាលពីថ្ងៃទី ២៩ ខែតុលា ឆ្នាំ២០១៩កន្លងទៅទៀតផង។
៣. Chanyeol និង Rosé
អ្នកទាំង ២នេះវិញ គឺជាតារាម៉ូដែលដ៏ស័ក្តិសមរបស់ Omega ម៉ាកនាឡិកាដ៏ល្បីមួយទៀត ដែលជាដៃគូប្រជែងរបស់ Cartier។ ស្របពេល Rosé បង្ហាញម៉ូដនាឡិកា ថតម៉ូដឲ្យ W Korea នោះ Chanyeol ឯណេះក៏មានមុខជាមួយនាឡិកានេះជាប់ដៃ បង្ហាញម៉ូដឲ្យទស្សនាវដ្ដី ARENA HOMME ដែរ។
៤. Lay និង Jennie
ចុងក្រោយនេះ គឺ Lay និង Jennie ដែលត្រូវបានគេស្គាល់ច្បាស់ថាជាតារាតំណាងដ៏ល្បីរបស់ Calvin Klein។ ទោះបីបង្ហាញមុខថតម៉ូដផ្សេងគ្នា ប៉ុន្តែអ្នកទាំង ២នៅតែជាតារារបស់ Brand មួយនេះ និងបានថតស្ប៉តបង្ហាញឈុតថ្មីៗឲ្យជានិច្ច។ ជាមួយនឹងទឹកមុខ និងរាងកាយបែបសិចស៊ីរបស់ Lay និង Jennie ហេតុនេះ វាគ្មានអ្វីត្រូវឆ្ងល់ទេ ថាហេតុអ្វីពួកគេត្រូវបាន Calvin Klein ជ្រើសជាតារាតំណាង៕