Ronaldo ឬ Messi គ្មានឈ្មោះជាបេក្ខភាព កីឡាករឆ្នើមប្រចាំឆ្នាំរបស់ UEFA
- 2020-09-23 12:42:14
- ចំនួនមតិ 0 | ចំនួនចែករំលែក 0
Ronaldo ឬ Messi គ្មានឈ្មោះជាបេក្ខភាព កីឡាករឆ្នើមប្រចាំឆ្នាំរបស់ UEFA
ចន្លោះមិនឃើញ
ខ្សែប្រយុទ្ធព័រទុយហ្គាល់កីឡាករ Cristiano Ronaldo ឬ ខ្សែប្រយុទ្ធអាហ្សង់ទីន Lionel Messi គ្មានឈ្មោះក្នុងបញ្ជីបេក្ខភាពកីឡាករឆ្នើមប្រចាំឆ្នាំ នៃក្របខ័ណ្ឌសហព័ន្ធសហភាពបាល់ទាត់អឺរ៉ុប UEFA។
នេះជាលើកដំបូងហើយក្នុងរយៈពេល ១០ឆ្នាំ ដែលគ្មានឈ្មោះកីឡាករពីររូបនេះ ក្នុងបេក្ខភាព ៣រូបចុងក្រោយ ប្រចាំពានរង្វាន់បុគ្គល UEFA Men's Player of the Year មួយនេះ។
សម្រាប់ឆ្នាំ២០២០នេះ កីឡាករ ៣រូប ដែលជាប់ជាបេក្ខភាពចុងក្រោយរួមមាន ខ្សែបម្រើបែលហ្សិក Kevin de Bruyne ខ្សែប្រយុទ្ធប៉ូឡូញ Robert Lewandowski និងអ្នកចាំទីអាល្លឺម៉ង់ Manuel Neuer។
តាមពិតទៅ Messi និង Ronaldo ជាប់ក្នុងចំណោម Top 10 ដែរ ដោយ Messi ជាប់លេខ ៤ ឯ Ronaldo វិញជាប់លេខ ១០ឯណោះ។
សូមជម្រាបជូនថា គណៈកម្មការវិនិច្ឆ័យក្នុងការជ្រើសរើសបេក្ខភាព ៣រូបចុងក្រោយមានសមាសភាពពី គ្រូបង្វឹកទាំង ៨០នាក់ ពីក្លឹបជាប់លេខក្នុងវគ្គចែកពូលនៃព្រឹត្តិការណ៍ Champions League និង Europa League ព្រមទាំងអ្នកកាសែត ៥៥នាក់ពីក្រុមប្រព័ន្ធផ្សព្វផ្សាយកីឡាអឺរ៉ុប។
លទ្ធផលនៃការពាននេះនឹងប្រកាសក្នុងកម្មវិធីប្រកាសជើងឯកពាននៅទីក្រុងនីយ៉ុង ប្រទេសស្វីស ក្នុងថ្ងៃទី១ តុលា ២០២០៕