ឡានអគ្គិសនីដំបូងរបស់ Rolls-Royce នឹងបង្ហាញខ្លួនមុនឆ្នាំ ២០៣០
- 2020-09-28 02:49:37
- ចំនួនមតិ 0 | ចំនួនចែករំលែក 0
ឡានអគ្គិសនីដំបូងរបស់ Rolls-Royce នឹងបង្ហាញខ្លួនមុនឆ្នាំ ២០៣០
ចន្លោះមិនឃើញ
នៅទីក្រុងជាង ២០ទូទាំងពិភពលោក បានប្រកាសអំពីផែនការហាមឃាត់រថយន្តប្រើប្រាស់ប្រេងឥន្ធនៈពីទីប្រជុំជនរបស់ខ្លួនឲ្យបានត្រឹមឆ្នាំ ២០៣០ ដែលតម្រូវឲ្យក្រុមហ៊ុនរថយន្តត្រូវសម្របខ្លួនទៅតាមការប្រកាសនេះ។
សម្រាប់ Rolls-Royce ដែលធ្លាប់ទទួលស្គាល់ថាតម្រូវការសម្រាប់រថយន្តអគ្គិសនីប្រណីតមិនមានច្រើន ក៏ក្រុមហ៊ុនបានត្រៀមខ្លួនអនុលោមតាមការហាមឃាត់ផងដែរ។ លោក Torsten Muller-Otvos នាយកប្រតិបត្តិក្រុមហ៊ុន Rolls-Royce បានប្រាប់ដល់ទស្សនាវដ្ដី AutoNews កាលពីថ្មីៗនេះថារថយន្តអគ្គិសនីដំបូងរបស់ Rolls-Royce នឹងបង្ហាញខ្លួនក្នុងទសវត្សនេះ ហើយរថយន្តអគ្គិសនីនឹងសក្ដិសមជាមួយម៉ាក Rolls-Royce ដោយសារវាមានសំឡេងស្ងាត់ កម្លាំងខ្លាំង។
Rolls-Royce ធ្លាប់បានបង្ហាញចំណាប់អារម្មណ៍ចំពោះរថយន្តអគ្គិសនីតាំងពីដើមទសវត្សមុនមកម្ល៉េះ នៅពេលដែលក្រុមហ៊ុនបង្ហាញចេញរថយន្ត Phantom ប្រភេទអគ្គិសនីនៅក្នុងកម្មវិធី Geneva Motor Show នៅឆ្នាំ ២០១១។ រថយន្ត 102EX Concept អាចជិះបានចម្ងាយ ២០០គ.ម និងផលិតកម្លាំងបាន ៣៨៩សេះ ដែលស្ទុះពី ០-៩៦គ.ម/ម៉ ក្នុងពេលមិនដល់ ៨វិនាទី។
យ៉ាងណាក្ដីគម្រោងការរថយន្ត 102EX Concept ត្រូវបានរំសាយចោលដោយសារបច្ចេកវិទ្យាអាគុយរថយន្តមិនទាន់ទំនើបគ្រប់គ្រាន់នៅឡើយ និងដោយសារ Rolls-Royce យល់ឃើញថាវាអាចមិនសក្ដិសមនឹងម៉ាករបស់ខ្លួន ដែលអតិថិជនត្រូវដកឌុយសាកចេញពីឃ្លុបក្រោយរថយន្តដើម្បីសាកភ្លើងរថយន្ត៕