តារាស្រីអាស៊ី ៦រូប ធ្វើឃាតសម្រស់ខ្លួនឯង ដោយការវះកាត់កែសម្ផស្សជ្រុល
- 2020-09-30 02:28:08
- ចំនួនមតិ 0 | ចំនួនចែករំលែក 0
តារាស្រីអាស៊ី ៦រូប ធ្វើឃាតសម្រស់ខ្លួនឯង ដោយការវះកាត់កែសម្ផស្សជ្រុល
ចន្លោះមិនឃើញ
បើទោះបីជាមានរូបសម្រស់ផូរផង់ហើយក៏ដោយ តែដោយសារមហិច្ឆតាលោភលន់គ្មានត្រើយ សិល្បការិនីអាស៊ីមួយចំនួនបានលើកដៃបំផ្លាញសម្រស់ខ្លួនឯងដោយសារការវះកាត់កែសម្រស់។
Han Eun Jung
ដើមឡើយ តួរឿង "បំណុលផ្ទះជំពាក់ស្នេហ៍" មានទម្រង់មុខគួរឲ្យស្រលាញ់រួចហើយ ដោយចំណុចខ្វះខាតគឺភ្នែកត្របកមួយជាន់តែប៉ុណ្ណោះ។ ដោយចង់មានភ្នែកធំ មូលស្អាតដូចតារាដទៃ Han Eun Jung បានទៅកែសម្រស់បណ្ដាលឲ្យមុខលែងធម្មជាតិនិងចាស់មុនអាយុ។
Jung Ryeo Won
កាលពីទើបបោះជើងចូលសិល្បៈដំបូង តារាសម្ដែងនិងចម្រៀង Jung Ryeo Won មានទម្រង់មុខស្រស់ថ្លាដែលមនុស្សស្រីគ្រប់រូបចង់បាន។ ពេលវេលាឆ្លងផុតទៅ តារាវ័យ៣៥ឆ្នាំ ចាប់ផ្ដើមមានចិត្តលោភលន់ ចង់ស្អាតជាងមុនក៏សម្រេចចិត្តពឹងពាក់ដល់មុខកាំបិត ដែលជាហេតុធ្វើឲ្យគេរិះគន់ថាមុខរបស់នាងឥលូវនេះដូចមនុស្សប្រុស។
Kim Hee Sun
ដើម្បីលុបបំបាត់ស្នាមជ្រីវជ្រួញនៅលើរង្វង់មុខ តួរឿង "ឈិនឡុង ទម្លុះភព" បានពឹងពាក់ដល់ការចាក់ Botox ដែលធ្វើឲ្យមុខរបស់សិល្បការិនីរូបនេះត្រូវវៀចមកមួយចំហៀង។
Kim Man Ok
និយាយពីគ្រោះថ្នាក់រឿងកែសម្រស់គឺមិនអាចរំលងតារាចម្រៀង Kim Man Ok នោះទេ។ រាល់ពេលនិយាយដល់ករណីរបស់តារារៀមច្បងរូបនេះ តែងតែធ្វើឲ្យគេព្រឺក្បាលខ្ញាកតែម្ដង។ ក្រោយឆ្លងកាត់ការវះកាត់តូចធំជាង២០ដង បូករួមនិងការចាក់បញ្ចូល Botox ទៀតនោះ ឥលូវនេះ ក្បាលរបស់តារាចម្រៀងវ័យ៥០ឆ្នាំធំជាងមុនដល់ទៅ៣ដង និងមុខបានខូចខ្ទេចចំណាំលែងបាន។
Carol Cheng
ដើម្បីអូសទាញភាពស្រស់ស្អាតនៅឲ្យបានយូរ តារាសម្ដែងល្បីឈ្មោះចិនកាលទសវត្សឆ្នាំ១៩៩០ បានចាក់ Botox ក៏ដូចឆ្លងកាត់មុខកាំបិតជាច្រើនកន្លែង។ យ៉ាងណាក៏ដោយ ស្អាតប៉ុណ្ណាមិនឃើញ គេឃើញតែនាងកាន់តែទ្រុឌទ្រោមជាងមុន។
Zheng Shuang
ទម្រង់មុខដែលធ្លាប់តែស្រស់ស្អាតរបស់តារាសម្ដែងវ័យក្មេង Zheng Shuang បានខូចខាតយ៉ាងគួរឲ្យសោកស្ដាយដោយសារតែចាក់ Filler លើសកម្រិត។ នៅពេលនេះ មុខរបស់ស្រីស្អាតអាយុ២៥ឆ្នាំបានវៀចទៅមួយចំហៀងគួរឲ្យខ្លាច៕