ឡៅ ស៊ីណាត៖ អាណិតប្អូនថាឡើងវ៉ៃគ្រាន់បានលុយខ្លះត្រៀមការ ឥលូវខូចដៃទៀតបាត់
- 2020-09-30 03:27:44
- ចំនួនមតិ 0 | ចំនួនចែករំលែក 0
ឡៅ ស៊ីណាត៖ អាណិតប្អូនថាឡើងវ៉ៃគ្រាន់បានលុយខ្លះត្រៀមការ ឥលូវខូចដៃទៀតបាត់
ចន្លោះមិនឃើញ
អតីតជើងខ្លាំងប្រដាល់គុនខ្មែរពីខេត្តកំពង់ស្ពឺ ឡៅ ស៊ីណាត អាណិតប្អូនទើបជាពីរបួស និងសង្ឃឹមថាអាចវ៉ៃបានសន្សំលុយខ្លះៗទៀតត្រៀមរៀបការនៅខែវិច្ឆិកា ឆ្នាំ២០២០ ខាងមុននេះ ប៉ុន្តែឥលូវបែរជាខូចទៅវិញ។
ឡៅ ស៊ីណាត បានឲ្យដឹងថា នៅពេលនេះលោកក៏មិនទាន់បានជួបប្អូនប្រុសនៅឡើយទេបច្ចុប្បន្ននៅខេត្តកំពង់ស្ពឺឯណោះ ខណៈ ចិត្រា នៅភ្នំពេញមិនទាន់បានវិលទៅផ្ទះវិញនៅឡើយ។ របួសត្រង់ចំណុចដៃនេះគឺរៀងពិបាកបន្តិចហើយហ្នឹងត្រូវប្រើរយៈពេលយូរទៀតទម្រាំអាចប្រើប្រាស់វិញ មួយវិញទៀតរឹតតែពិបាកព្រោះដៃជាកន្លែងសំខាន់ដែរត្រូវប្រើប្រាស់ហ្វឹកហាត់ទៀតនោះ។
អតីតអ្នកលេងគុនខ្មែរខាងលើនេះបន្តប្រាប់ទៀតថា លោកពិតជាអាណិតប្អូន (ឡៅ ចិត្រា)។ ទី១ ទើបហ្នឹងជាវ៉ៃបាន២ប្រកួតប៉ុណ្ណោះក្រោយសម្រាកព្យាបាលអស់ជិតកន្លះឆ្នាំឥលូវខូចដៃទៀត។ ទី២ អាណិតប្អូនជិតដល់ថ្ងៃរៀបការទៅទៀត គិតថាជាពីរបួសលើកមុនអាចឡើងវ៉ៃបានខ្លះៗបានលុយត្រៀមប៉ុន្តែបែរជាមានរបួសជាថ្មីទៀតបែបនេះទៅវិញ។
រំលឹកដែរថា ឡៅ ចិត្រា មានរបួសលើកទី១ ប៉ះ មឿន សុខហ៊ុច ប្រេះប្រអប់ដៃឆ្វេងអំឡុងខែមេសា ត្រូវសម្រាកអស់ពេលជិតកន្លះឆ្នាំ។ ឥលូវប៉ះ មឿន សុខហ៊ុច លើកទី២ ដណ្ដើមប្រាក់លានគោជល់ កាលពីថ្ងៃសៅរ៍ ទី២៦ កញ្ញា សប្ដាហ៍មុននេះមានរបួសបាក់ឆ្អឹងប្រអប់ដៃឆ្វេងដដែលនេះជាថ្មីទៀតហើយ៕