ក្រុមហ៊ុនផលិតរថយន្តអគ្គិសនីចិន Xpeng Motors ដែលមានក្រុមហ៊ុន Alibaba និង Xiaomi Corp ជាខ្នងបង្អែក បានដាក់បង្ហាញគំរូរថយន្តហោះរបស់ខ្លួន នៅក្នុងកម្មវិធី 2020 Beijing Auto Show។

គំរូរថយន្តហោះនោះត្រូវបានគេហៅឈ្មោះថា Kiwigogo ដែលអាចដឹកមនុស្សបាន ២នាក់ ហើយអាចហោះនៅកម្ពស់ចន្លោះពី ៥ ទៅ ២៥ម៉ែត្រ។

Kiwigogo មានរូបរាងស្រដៀងទៅនឹង Drone ដោយមានស្លាបចំនួន ៨ និងមានតួខ្លួនបែបបញ្ឈរ ខណៈកម្លាំងរបស់វាគឺបានមកពីថាមពលអគ្គិសនីទាំងស្រុង។

គួរឲ្យដឹងថា ក្រុមហ៊ុន Xpeng Motors បាននិងកំពុងធ្វើការលើរថយន្តអគ្គិសនីអាចហោះបាននេះ អស់រយៈពេល ៧ឆ្នាំមកហើយ និងបានធ្វើតេស្តសុវត្ថិភាពប្រមាណជា ១០ ០០០ដងផងដែរ៕

ប្រភព៖ carscoops   ប្រែ​សម្រួល៖ សេង ឡុង