Ancelotti ថា Calvert-Lewin កំពុងតែ On Fire ហើយ គ្មានអ្នកទប់ជាប់ទេ
- 2020-10-01 01:52:48
- ចំនួនមតិ 0 | ចំនួនចែករំលែក 0
Ancelotti ថា Calvert-Lewin កំពុងតែ On Fire ហើយ គ្មានអ្នកទប់ជាប់ទេ
ចន្លោះមិនឃើញ
លោក Carlo Ancelotti សរសើរខ្សែប្រយុទ្ធ Dominic Calvert-Lewin មិនដាច់ពីមាត់ឡើយ បន្ទាប់ពីរូបគេរកបាន៣គ្រាប់ម្នាក់ទៀតនៅយប់មិញនេះ ក្នុងពានរង្វាន់ Carabao Cup ។
ក្រុម Everton បានយកឈ្នះលើក្រុម West Ham ក្នុងលទ្ធផល ៤-១ នៅយប់មិញនេះ ក្នុងពានរង្វាន់ Carabao Caup ។ ៤គ្រាប់របស់ក្រុមលោក Ancelotti នៅយប់មិញនេះដែរ ធ្វើបានសម្រេចដោយ Calvert-Lewin ៣គ្រាប់ម្នាក់ឯង និង Richarlison កីឡាករប្រេស៊ីល។ នេះជាជ័យជម្នះថ្មីមួយទៀត និងជាការធ្វើបាន Hat-trick លើកទី២ហើយនៅដើមរដូវកាលនេះរបស់ Calvert-Lewin កីឡាករវ័យក្មេងរបស់ក្រុម Everton ។
លោក Ancelotti បាននិយាយសរសើរខ្សែប្រយុទ្ធអង់គ្លេសខាងលើនេះមិនដាច់ពីមាត់នោះទេ ព្រោះរូបគេធ្វើបានល្អមែនទែនសម្រាប់រដូវកាលនេះ។ ជាពិសេសបន្ទាប់ពីលោកបានទិញយក James មកទៀត គឺកាន់តែធ្វើឱ្យតំបន់ប្រយុទ្ធរបស់ក្រុមមុតស្រួចឡើងមួយកម្រិតទៀត៕