៣០០ឆ្នាំទៅមុខឈ្មោះរបស់ Ronaldo នៅតែគេលើកមកនិយាយ
- 2020-10-01 03:37:24
- ចំនួនមតិ 0 | ចំនួនចែករំលែក 0
៣០០ឆ្នាំទៅមុខឈ្មោះរបស់ Ronaldo នៅតែគេលើកមកនិយាយ
ចន្លោះមិនឃើញ
អតីតកីឡាករជម្រើសជាតិព័រទុយហ្គាល់លោក Rui Costa បាននិយាយថា ឈ្មោះរបស់ Cristiano Ronaldo នឹងនៅតែត្រូវគេលើកមកនិយាយក្នុងរយៈពេល៣០០ឆ្នាំទៅមុខទៀតចាប់ពីបច្ចុប្បន្នទៅ។
Rui Costa ក៏បានលើកសរសើរពីអតីតមិត្តរួមក្រុមលោក Andrea Pirlo ថាអ្នកចាត់ការដ៏ល្អសម្រាប់ Ronaldo។ Costa វ័យ៤៨ឆ្នាំធ្លាប់លេងជាមួយ Ronaldo ក្នុងជម្រើសជាតិព័រទុយហ្គាល់ និងចំណាយពេលជាមួយ Pirlo នៅក្លឹប AC Milan។
Rui Costa មានការគោរពខ្ពស់ចំពោះអ្នកទាំងពីរខាងលើ និងប្រាកដច្បាស់ឈ្មោះរបស់ Ronaldo នឹងត្រូវគេចងចាំរាប់សតវត្សរ៍។ “ក្នុងរយៈពេល៣០០ឆ្នាំទៅមុខរាប់ពីឥលូវ ឈ្មោះរបស់ Ronaldo នឹងនៅតែត្រូវគេលើកមកនិយាយ។ គេមានលក្ខណៈពិសេសផ្ទាល់ខ្លួន។ គេបានរក្សាកម្រិតលេងក្នុងក្រុមផ្សេងៗគ្នា លីគផ្សេងៗគ្នានិងនៅជម្រើសជាតិ”។ សម្ដីរបស់ Rui Costa។
Costa ក៏មានទំនុកចិត្ត Pirlo គឺជាបុរសដែលស័ក្ដិសមបំផុតក្នុងការដឹកនាំ Juventus។ Costa លើកឡើងថា Pirlo ជាអ្នកធ្លាប់ឈ្នះពានម្នាក់ ហើយគេដឹងច្បាស់កីឡាករល្អគេគិតអ្វី និងខ្សែប្រយុទ្ធត្រូវការអ្វីដើម្បីលេចធ្លោលើទីលាន៕