Apple ណែនាំបែបនេះ សម្រាប់អ្នកមានបញ្ហា iPhone ស្រកថ្មលឿនក្រោយដំឡើង iOS 14
- 2020-10-01 06:38:04
- ចំនួនមតិ 0 | ចំនួនចែករំលែក 0
Apple ណែនាំបែបនេះ សម្រាប់អ្នកមានបញ្ហា iPhone ស្រកថ្មលឿនក្រោយដំឡើង iOS 14
ចន្លោះមិនឃើញ
ក្រោយពីការបញ្ចេញនូវប្រព័ន្ធប្រតិបត្តិការ iOS 14 និង watchOS 7 អ្នកប្រើប្រាស់ជាច្រើនបានជួបបញ្ហាជាមួយ iPhone និង Apple Watch របស់ពួកគេ។
មានការរាយការណ៍ពីអ្នកប្រើប្រាស់ថាកំណត់ត្រា GPS មិនបានកត់ត្រាត្រឹមត្រូវពេលមានសកម្មភាព ដែលបញ្ហានេះបានប៉ះពាល់ដល់ Apple Watch គ្រប់ម៉ូដែល។ បន្ថែមពីនេះមានអ្នកប្រើប្រាស់មួយចំនួនបានរាយការណ៍អំពីថ្មលើ Apple Watch និង iPhone ស្រកលឿនខុសពីធម្មតាផងដែរ។
បើតាមឯកសារផ្ដល់ជំនួយថ្មីដែល Apple ទើបចេញផ្សាយបានណែនាំថា ប្រសិនបើ Apple Watch ឬ iPhone របស់អ្នកជួបបញ្ហាខុសប្រក្រតីមួយចំនួន រួមទាំងបញ្ហាស្រកថ្មលឿនខុសធម្មតា អ្នកគួរសាកល្បងផ្ដាច់ (Unpair) Apple Watch ពី iPhone, រួចធ្វើការ Backup ទិន្នន័យទាំងលើ iPhone និង Apple Watch, បន្ទាប់មកធ្វើការ Reset ឧបករណ៍ទាំងពីរ (Erase All Content and Settings) ហើយចុងក្រោយធ្វើការ Restore ពីឯកសារ Backup របស់អ្នក៕