ព្រឿង សុជាតិ សង្ឃឹម ៧០% ឈ្នះវគ្គពាក់កណ្ដាលផ្ដាច់ព្រ័ត្រសប្ដាហ៍នេះនៅបាយ័ន
- 2020-10-02 08:24:55
- ចំនួនមតិ 0 | ចំនួនចែករំលែក 0
ព្រឿង សុជាតិ សង្ឃឹម ៧០% ឈ្នះវគ្គពាក់កណ្ដាលផ្ដាច់ព្រ័ត្រសប្ដាហ៍នេះនៅបាយ័ន
ចន្លោះមិនឃើញ
កីឡាករដើមកំណើតមកពីត្បូងឃ្មុំ ព្រឿង សុជាតិ រំពឹងរហូត ៧០% ថានឹងឈ្នះលើកីឡាករ សោម ពិសិដ្ឋ វគ្គពាក់កណ្ដាលផ្ដាច់ព្រ័ត្រខ្សែក្រវាត់ស្រាបៀកម្ពុជាអាទិត្យនេះនៅបាយ័ន។
ព្រឿង សុជាតិ បានឲ្យដឹងថា សម្រាប់ការហ្វឹកហាត់ត្រៀមប្រកួតវគ្គពាក់កណ្ដាលផ្ដាច់ព្រ័ត្រនេះរូបគេហាត់បានរហូតដល់២សប្ដាហ៍ពេញតែម្ដង។ ដោយសារតែខ្លួនធ្លាប់ឈ្នះ១ដងរួចហើយលើកីឡាករ សោម ពិសិដ្ឋ ដូច្នេះប៉ះគ្នាជាថ្មីនេះ សុជាតិ នៅតែសង្ឃឹមខ្ពស់ថានឹងទទួលបានជ័យជម្នះម្ដងទៀតបានឡើងទៅវគ្គផ្ដាច់ព្រ័ត្រ។
សិស្សគុនមកពីសមាគមក្រសួងការពារជាតិរូបនេះបន្តប្រាប់ទៀតថា សោម ពិសិដ្ឋ ក៏ជាកីឡាករល្អមួយរូបដែរ និងមិនមានឃើញចំណុចចន្លោះខ្វះខាតត្រង់ណាទេ។ យ៉ាងណាវគ្គនេះជាវគ្គសំខាន់ដូច្នេះខ្លួននឹងខំប្រឹងធ្វើឲ្យបានល្អបំផុតដើម្បីឡើងវគ្គផ្ដាច់ព្រ័ត្រ។
រំលឹកដែរថា ការប្រកួតដណ្ដើមខ្សែក្រវាត់ស្រាបៀកម្ពុជា ទម្ងន់ ៦៣,៥គីឡូក្រាម របស់សង្វៀនបាយ័ន បានឈានដល់វគ្គពាក់កណ្ដាលផ្ដាច់ព្រ័ត្រហើយនាព្រឹកថ្ងៃអាទិត្យ ទី៤ តុលា ឆ្នាំ២០២០។ ព្រឿង សុជាតិ ប៉ះ សោម ពិសិដ្ឋ ចំណែក វី សម្ព័ស្ស ប៉ះ សល់ ពិសិដ្ឋ៕