ពហុកីឡដ្ឋានមរតកតេជោ នឹងសាងសង់រួចនៅខែមេសា ឆ្នាំ២០២១

2020-10-05 02:37:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពហុកីឡដ្ឋានមរតកតេជោ ដែលជាកន្លែងសម្រាប់ធ្វើពិធី បើក បិទ ស៊ីហ្គេមលើកទី៣២ របស់កម្ពុជា នឹងត្រូវសាងសង់រួចរាល់នៅខែមេសា ឆ្នាំ២០២១ ខាងមុខនេះបើតាមឲ្យដឹងពីឯកឧត្ដម វ៉ាត់ ចំរើន អគ្គលេខាធិការរបស់ CAMSOC។

រូបភាពលើផេក មរតកតេជោ

ឯកឧត្ដម វ៉ាត់ ចំរើន បានឲ្យដឹងថា ដោយសារតែផ្ទុះជំងឺ COVID នេះបានធ្វើឲ្យរាំងស្ទះខ្លះៗ នៃការដឹងជញ្ជូនសម្ភារសម្រាប់សាងសង់ និងបំពាក់ក្នុងស្តាតមរតកតេជោ នេះមកពីប្រទេសចិន។ មួយវិញទៀតចំពោះសំណងរឹងនោះគឺបានសាងសង់បានរួចរាល់ហើយ នៅសល់តែការបំពាក់សម្ភាសដូចជាកៅអី កញ្ចក់ ដាក់ស្មៅ រួមហ្នឹងការតុបតែងប៉ុណ្ណោះ។

អគ្គលេខាធិការរបស់ CAMSOC ខាងលើបន្តលើកឡើងទៀតថា នៅពេលក្រុមហ៊ុនសាងសង់របស់ចិននេះកំពុងតែងពន្លឿននៃការសាងសង់ ហើយនឹងបញ្ចប់ទាំងស្រុកនៅខែមេសា ឆ្នាំ២០២១ ខាងមុខនេះ។ CAMSOC នឹងចុះទៅពិនិត្យការសាងសង់ម្ដងទៀតផងដែរ។

រូបភាពលើផេក មរតកតេជោ

រំលឹកដែរថា ការកសាងពហុកីឡដ្ឋានជាតិមរតកតេជោជាដំណាក់កាលទី២ បន្ទាប់ពីដំណាក់កាលទី១ ដែលមានទីលានហែលទឹក និងទីលានកីឡាក្នុងសាល ព្រមទាំងអគារស្នាក់នៅរបស់កីឡាករ កីឡាការិនីដែលបានកសាងរួចកាលពីឆ្នាំ២០១៧។ ពហុកីឡដ្ឋាននេះជាជំនួយឥតសំណង់របស់ប្រទេសចិន ហើយបញ្ចប់រួចរាល់នៅខែមេសា ឆ្នាំ២០២១។ ពហុកីឡដ្ឋាននេះនឹងត្រូវប្រើប្រាស់ក្នុងពិធីបើក បិទ នៃព្រឹត្តិការណ៍ស៊ីហ្គេម ឆ្នាំ២០២៣ កម្ពុជាធ្វើជាម្ចាស់ផ្ទះ៕

អត្ថបទ៖ នួន ស៊ីណា