IU និយាយពីការជំនះនឹងវិប្បដិសារីក្នុងជីវិត
- 2020-10-05 02:53:51
- ចំនួនមតិ 0 | ចំនួនចែករំលែក 0
IU និយាយពីការជំនះនឹងវិប្បដិសារីក្នុងជីវិត
ចន្លោះមិនឃើញ
ថ្មីៗនេះ IU បានបង្ហាញមុខនៅក្នុងកម្មវិធី "Healing Documentary-Tree Tree " របស់ទូរទស្សន៍ KBS1។
បង្ហាញខ្លួនក្នុងកម្មវិធីកាលពីថ្ងៃទី០៣ ខែតុលា ឆ្នាំ២០២០ IU ត្រូវបានគេសួរពីអ្វីដែលនាងគិតពិចារណាខ្លាំង រាល់ពេលសម្រេចចិត្តធ្វើអ្វីម្ដងៗ។
ឆ្លើយតបនឹងសំណួរនេះ IU និយាយថា៖ «មានពេលខ្លះអ្នកសម្រេចចិត្តខុស ប៉ុន្តែក្នុងករណីនេះ អ្នកគួរតែទុកចិត្ត និងក្លាហានជំនះវាម្ដងទៅ»។
នាងក៏បានបន្ថែមដែរថា៖ «សម្រាប់ខ្ញុំ ខ្ញុំកម្រស្ដាយក្រោយនូវការសម្រេចចិត្តកាលពីមុនៗរបស់ខ្ញុំណាស់។ ពេលខ្ញុំនិយាយថា "រឿងហ្នឹងវាអ៊ីចឹង" ខ្ញុំសម្របជាមួយវាទាំងអស់។ ខ្ញុំជាមនុស្សដែលដើរលើផ្លូវដែលខ្ញុំជ្រើស។ ខ្ញុំមិនមានការសោកស្ដាយពីអ្វីដែលខ្ញុំអត់មានក្នុងជីវិតនេះទេ»។
ដូចប្រិយមិត្តជ្រាបស្រាប់ IU គឺជាតារាកូរ៉េដែលមានជំនាញច្រើន តាំងពីជាអ្នកចម្រៀង អ្នកនិពន្ធបទចម្រៀង ជាតារាសម្ដែង ហើយបានចូលសិល្បៈទាំងវ័យក្មេងកាលពីឆ្នាំ ២០០៨ ស្របពេលមានអាយុ១៥ឆ្នាំ។ ឆ្លងកាត់ឧបសគ្គជីវិតច្រើនឆ្នាំនេះ បានធ្វើឲ្យនាងកាន់តែក្លាយជាមនុស្សរឹងមាំ៕