Jin ទម្លាយទាំងផ្ទាំង ពីពេលវេលាដ៏រីករាយបំផុតក្នុងជីវិតនេះ
- 2020-10-06 02:00:00
- ចំនួនមតិ 0 | ចំនួនចែករំលែក 0
Jin ទម្លាយទាំងផ្ទាំង ពីពេលវេលាដ៏រីករាយបំផុតក្នុងជីវិតនេះ
ចន្លោះមិនឃើញ
និយាយក្នុង «BTS 5th MUSTER: MAGIC SHOP» សមាជិក BTS បានចែករំលែករឿងរ៉ាវជាច្រើនដែលអ្នកគាំទ្រផ្ញើរមក ក៏ដូចជាផ្ដល់ការយល់ឃើញល្អៗ និងលើកទឹកចិត្តដល់អ្នកគ្រប់គ្នាផងដែរ។
មួយក្នុងចំណោមអ្វីដែលបានទម្លាយទាំងនោះ មានអ្នកគាំទ្រម្នាក់ដែលជាអ្នកសម្ដែង Musical ប៉ុន្តែតាំងពីជាប់រវល់នឹងការសិក្សាខ្លាំងពេក ទើបអ្នកគាំទ្រម្នាក់នោះលែងបានសម្ដែង និងលែងបានជាន់លើឆាកទៀត។ ទាក់ទងនឹងអ្វីដែលបានបង្ហាញនេះ Jin ក៏បាននិយាយថា លោកបានចូលរៀននៅសាកលវិទ្យាល័យ និងចាប់យកជំនាញសម្ដែង ប៉ុន្តែពេលនេះលោកបែរជានៅលើឆាក ធ្វើជាតារាចម្រៀងទៅវិញ។
Jin បកស្រាយថា៖ «ខ្ញុំបានចូលរៀននៅថ្នាក់សម្ដែង ប៉ុន្តែពេលនេះខ្ញុំនៅលើឆាកជាតារាចម្រៀង ហើយពេលវេលាដ៏សែនរីករាយបំផុតក្នុងជីវិតនេះ គឺពេលច្រៀងលើឆាកជាមួយនឹងសមាជិកទាំងអស់របស់ខ្ញុំ»។
បន្ថែមពីលើនោះ Jin បានផ្ដល់ដំបូន្មានដល់អ្នកគាំទ្រម្នាក់នោះថា បើចង់ឡើងលើឆាកម្ដងទៀត ត្រូវតែព្យាយាមម្ដងហើយម្ដងទៀត ជម្នះវាឲ្យបាន។
ពេលឃើញការឆ្លើតបរបស់ Jin ភ្លាម អ្នកគាំទ្រម្នាក់នោះពិតជាសប្បាយចិត្ត និងបាននិយាយថា Jin ជាមនុស្សមានក្ដីស្រឡាញ់ជ្រាលជ្រៅចំពោះអ្នកគាំទ្រទាំងអស់។ អ្នកផ្សេងទៀតក៏បានបន្ថែមទៀតថា ពេញចិត្តនឹងការឆ្លើយតបដ៏ស្មៅះត្រង់របស់ Jin ទៅកាន់អ្នកគាំទ្រណាស់ ហើយគ្រប់គ្នាក៏ចង់ឲ្យលោកដឹងថាពេលវេលាដ៏មានក្ដីសុខបំផុតរបស់ ARMY គឺអាចនៅមើលឃើញភាពរីករាយរបស់ក្រុមបន្តទៀត៕