ចេញបទថ្មីបាន ១ថ្ងៃ Chen ប្រកាសពីថ្ងៃចូលធ្វើទាហានភ្លាម
- 2020-10-16 03:32:03
- ចំនួនមតិ 0 | ចំនួនចែករំលែក 0
ចេញបទថ្មីបាន ១ថ្ងៃ Chen ប្រកាសពីថ្ងៃចូលធ្វើទាហានភ្លាម
ចន្លោះមិនឃើញ
ក្រោយចេញបទចម្រៀងថ្មីកាលពីម្សិលមិញ ថ្ងៃនេះ Chen សមាជិក EXO ក៏បានចេញប្រកាសដោយខ្លួនឯងពីកាលបរិច្ឆេទ្ធចូលទាហានរបស់លោក។
Chen បានប្រកាសតាមរយៈលិខិតមួយប្រាប់ទៅអ្នកគាំទ្រថា លោកនឹងចូលបម្រើជួរទ័ពនៅថ្ងៃទី ២៦ ខែតុលាខាងមុខ ព្រមទាំងសន្យាត្រឡប់មកវិញប្រកដបសុខភាពល្អ។
«សួស្ដី នេះគឺ Chen!
តើអ្នកទាំងអស់គ្នាសុខសប្បាយជាតិទេ ស្របពេលសីតុណ្ហភាពមានការប្រែប្រួលខ្លាំងរាល់ថ្ងៃនេះ? កម្ដៅនៃរដូវក្ដៅបានរសាត់ទៅអស់ ឥលូវក៏ចូលដល់រដូវស្លឹកឈើជ្រុះដែរ។ មូលហេតុដែលខ្ញុំសរសេរលិខិតមួយច្បាប់ជូនអ្នកទាំងអស់គ្នាថ្ងៃនេះ ក៏ព្រោះចង់ជម្រាបពីថ្ងៃចូលទាហានរបស់ខ្ញុំ គឺនៅថ្ងៃទី២៦ ខែតុលា។
ខ្ញុំនឹងប្រឹងប្រែងអស់ពីចិត្តពីកាយ បង្ហាញឲ្យអ្នកទាំងអស់គ្នាឃើញពីអ្វីដែលខ្ញុំសម្រេចបាន ពេលខ្ញុំត្រឡប់មកពីបម្រើក្នុងជួរទ័ពវិញ ដូចនេះខ្ញុំក៏សង្ឃឹមដែលថាអ្នកទាំងអស់ រស់នៅដោយភាពរីករាយ និងមានសុខភាពល្អ។ ខ្ញុំនឹងត្រឡប់មកវិញប្រកបដោយសុខភាពល្អទាំងផ្លូវកាយ និងផ្លូវចិត្ត។ សូមថ្លែងអំណរគុណអស់ពីចិត្ត និងស្រឡាញ់គ្រប់គ្នា»។
អ្នកគាំទ្រក៏បានសម្ដែងការលើកទឹកចិត្ត ព្រមទាំងជូនពរតារាប្រុសរូបេនះដែរ ក្នុងដំណើរបម្រើជាតិនាពេលនេះ ក៏ដូចជារង់ចាំការវិលមកវិញរបស់លោក។ យ៉ាងណាមិញ Chen គឺជាសមាជិក EXO ទី ៤ហើយ ដែលត្រូវដល់ពេលចូលធ្វើជាទាហាន បន្ទាប់ពី Xiumin, D.O និង Suho៕