Youngjae (GOT7) ត្រូវគេចោទថាវាយដំសិស្សពិការម្នាក់កាលនៅរៀន
- 2020-10-21 03:10:53
- ចំនួនមតិ 0 | ចំនួនចែករំលែក 0
Youngjae (GOT7) ត្រូវគេចោទថាវាយដំសិស្សពិការម្នាក់កាលនៅរៀន
ចន្លោះមិនឃើញ
មានរឿងភ្ញាក់ផ្អើលមួយបានផ្ទុះឡើងទាក់ទងនឹង Youngjae សមាជិក GOT7 ដែលត្រូវបានគេចោទថា បានវាយតប់សិស្សពិការម្នាក់ កាលពីរៀនថ្នាក់វិទ្យាល័យ ហើយពេលនេះផលិតកម្ម JYP កំពុងចាត់វិធានការតាមដាន។
Post មួយត្រូវបានលេចខ្លួនលើបណ្ដាញសង្គម បង្កើតជាការភ្ញាក់ផ្អើលកាលពីថ្ងៃទី២០ ខែតុលា ដោយបានលើកឡើងពីតារាម្នាក់នេះ ថាបានធ្វើបានរាងកាយសិស្សម្នាក់កាលរៀនវិទ្យាល័យ។ អ្នកសរសេរ Post បង្ហោះនោះ បានបង្ហើបថាគេគឺជាសិស្សដែលខ្សោយផ្នែកសោតវិញ្ញាណ និងខ្សោយបញ្ញា ហើយក៏ជាអ្នកដែលរៀនជាមួយ Youngjae នៅវិទ្យាល័យ Mokpo Technical ដែរ។ គេបាននិយាយថា លោកត្រូវ Youngjae វាយតប់ ហើយថែមទាំងជម្រិតទារលុយពីខ្លួនទៀត។
ទាក់ទងនឹងករណីចោទប្រកាន់មួយនេះ មិនទាន់អាននិយាយថា វាជារឿងពិត ឬយ៉ាងណាទេ ដូចនេះផលិតកម្ម JYP ក៏បានចេញមុខសុំការអន្តរាគមន៍ ដើម្បីស៊ើបអង្កេតករណីនេះ។ ផលិតកម្មបានប្រកាសថា៖ «យើងនឹងស្វែងរកការពិតឲ្យបានលឿនបំផុត ទាក់ទងនឹងអ្វីដែលកើតឡើងពិតប្រាកដ ចំពោះរឿងនេះ ហើយយើងនឹងប្រកាសជាបន្តពេលគរ្ប់យ៉ាងច្បាស់ការ»៕