ប្រកួតយប់មិញ កីឡាករ Man Utd មួយរូប លេងសុខៗស្រាប់តែជ្រុះ Len ពីភ្នែក
- 2020-10-21 11:22:03
- ចំនួនមតិ 0 | ចំនួនចែករំលែក 0
ប្រកួតយប់មិញ កីឡាករ Man Utd មួយរូប លេងសុខៗស្រាប់តែជ្រុះ Len ពីភ្នែក
ចន្លោះមិនឃើញ
ខ្សែបម្រើជាតិស្កុតឡែន Scott Mctominay បានជ្រុះកញ្ចក់ភ្នែកសិប្បនិម្មិត ឬ Contact Lens ចេញពីភ្នែក កំឡុងប្រកួតប៉ះនឹងក្លឹប Paris Saint Germain នៅក្របខ័ណ្ឌ UEFA Champions League កាលពីម្សិលមិញ នេះបើតាមការទម្លាយឲ្យដឹងរបស់អ្នកចាត់ការ Manchester United លោក Ole Gunnar Solskjaer។
បុរសជនជាតិន័រវែសរូបនេះបានឲ្យដឹងថា៖ " Scotty លេងជាមួយនឹងភ្នែកតែម្ខាងប៉ុណ្ណោះ កាលពីតង់ទី១។ វាពិតជាគួរឲ្យស្ងើចសរសើរណាស់ " ។
លោកបានបន្តថា៖ " គេជ្រុះ Contact Lens របស់គេអត់ដឹងបាត់ទៅណា យ៉ាងណាក៏ដោយ ពិតជាគួរឲ្យស្ញប់ស្ញែងមែន ដែលនៅលេងរួច " ។
បិសាចក្រហម បានទៅសួរសុខទុក្ខអ្នកនៅសង្កាត់ Saint Germain នារដ្ឋធានីប៉ារីស ជាមួយនឹងជ័យជម្នះ ២ ទល់នឹង ១ នៅប្រកួតបើកឆាកនៃ UEFA Champions League៕