Kroos ថា Real Madrid នឹងឈ្នះ Monchengladbach ឱ្យបាន
- 2020-10-27 08:03:03
- ចំនួនមតិ 0 | ចំនួនចែករំលែក 0
Kroos ថា Real Madrid នឹងឈ្នះ Monchengladbach ឱ្យបាន
ចន្លោះមិនឃើញ
ក្រុម Real Madrid នឹងលេងប្រកួតទី២របស់ខ្លួនទល់ក្រុម Monchengladbach នៅម៉ោង៣រំលងអាធ្រាត្រនេះ សម្រាប់ពានរង្វាន់ UEFA Champions League ។
ក្រុម Real Madrid ទើបយកឈ្នះលើក្រុម FC Barcelona ក្នុងលទ្ធផល ៣-១ កាលពីពេលកន្លងទៅនេះទេ ប៉ុន្តែបើមើលទៅការប្រកួតនៅ UEFA Champions League វិញ គឺពួកគេធ្វើមិនបានល្អឡើយ។ កាលពីប្រកួតបើកឆាកកន្លងទៅ គឺក្រុម Real Madrid បានចាញ់ក្រុម Shakhtar ក្នុងលទ្ធផលដល់ទៅ ៣-២ ឯណោះ។ បរាជ័យនេះ បានធ្វើឱ្យអ្នកចាត់ការ Zidane កាន់តែមានសម្ពាធ១កម្រិតទៀត សម្រាប់ការប្រកួតនៅរាត្រីនេះ ព្រោះត្រូវការឈ្នះជាចាំបាច់។
ជាមួយគ្នានេះដែរ Toni Kroos ខ្សែបម្រើឆ្នើមម្នាក់របស់ក្រុមអធិរាជស បានអះអាងថា៖ “យើងនឹងលេងឱ្យល្អជាងកាលពីថ្ងៃសៅរ៍ ដើម្បីឈ្នះពួកគេ។ កាលពីប្រកួតកន្លងទៅ យើងហាក់ដូចជាគ្មានទំនុកចិត្តលេង បន្ទាប់ដៃគូរកបាន១គ្រាប់មុន។ តែបន្ទាប់ពីយកឈ្នះ Barcelona ដែលបានបង្ហាញពីទំនុកចិត្តរបស់យើងឡើងវិញ។ យើងនឹងធ្វើបានល្អរាត្រីនេះ”៕