Dest ជឿថានៅឆ្នាំ២០២៦ ជម្រើសជាតិអាមេរិក អាចឈ្នះ World Cup បាន
- 2020-11-11 02:36:07
- ចំនួនមតិ 0 | ចំនួនចែករំលែក 0
Dest ជឿថានៅឆ្នាំ២០២៦ ជម្រើសជាតិអាមេរិក អាចឈ្នះ World Cup បាន
ចន្លោះមិនឃើញ
Sergino Dest ខ្សែការពារជម្រើសជាតិអាមេរិក ជឿជាក់ថានៅឆ្នាំ២០២៦ ក្រុមជម្រើសជាតិរបស់ខ្លួននឹងមានសមត្ថភាពគ្រប់គ្រាន់ក្នុងការប្រជែងយកជើងឯកពានរង្វាន់ FIFA World Cup ជាក់ជាមិនខាន។
Dest ជាកីឡាករកំពុងឡើងជើងម្នាក់ដែលលេងឱ្យក្រុម Barcelona នាពេលបច្ចុប្បន្ន។ រូបគេជាកីឡាករម្នាក់ក្នុងចំណោមកីឡាករអាមេរិកដទៃទៀតដែលកំពុងប្រកបអាជីពនៅលីគកំពូលអឺរ៉ុប។ ដោយក្រៅពី Dest នេះទៅនៅមានខ្សែប្រយុទ្ធ Pulisic របស់ Chelsea ខ្សែបម្រើ Giovanni របស់ Dortmund និង Weston McKennie របស់ Juventus ។
ដោយសារតែមានកីឡាករល្អនេះហើយ ទើបបានជា Dest មានទំនុកចិត្តថានៅឆ្នាំ២០២៦ដែលជាព្រឹត្តិការណ៍ World Cup ខាងមុខនេះ អាមេរិកនឹងមានកីឡាករល្អៗកាន់តែច្រើន។ នៅពេលនោះ ពួកគេនឹងមានសមត្ថភាពគ្រប់គ្រាន់ក្នុងការប្រជែងយកពានរង្វាន់មិនខាន។
រំលឹកថា World Cup 2026 ខាងមុខនេះ ប្រទេសដែលធ្វើជាម្ចាស់ផ្ទះរួមមាន អាមេរិក សហការជាមួយ កាណាដា និងមិកស៊ិក។ ដោយឆ្នាំនោះ គ្រោងតំឡើងក្រុមឱ្យដល់៤៨ក្រុមដើម្បីលេង៕