Kane នៅតែគិតថា អង់គ្លេសលេងល្អជាងបែលហ្សិក ទោះបីជាចាញ់ ២-០ក្ដី
- 2020-11-16 10:30:00
- ចំនួនមតិ 0 | ចំនួនចែករំលែក 0
Kane នៅតែគិតថា អង់គ្លេសលេងល្អជាងបែលហ្សិក ទោះបីជាចាញ់ ២-០ក្ដី
ចន្លោះមិនឃើញ
ខ្សែប្រយុទ្ធអង់គ្លេសកីឡាករ Harry Kane បាននិយាយក្រោយចប់ការប្រកួតទល់នឹងបែលហ្សិកថា ក្រុមជម្រើសជាតិខ្លួននៅតែល្អជាង ទោះជាលទ្ធផលចាញ់បែលហ្សិក ២-០យ៉ាងណាក៏ដោយ។
កីឡាកររូបនេះបានលើកឡើងថា៖ " យើងលេងគ្របបែលហ្សិក តែយើងរង ២គ្រាប់ ដោយសារតែខ្វះសំណាង " ។
Kane បានបន្តថា៖ " បាល់គ្រាប់ទី១ ជាគ្រាប់ផ្លាត ហើយខ្ញុំមិនគិតថា ហ្វ្រីឃីកគ្រាប់ទី២ មិនគួរកើតមានទេ។ មានរឿងវិជ្ជមានជាច្រើន ហើយខ្ញុំគិតថា បើនៅលេងរបៀបនេះ យើងនឹងឈ្នះពានធំៗថ្ងៃណាមួយមិនខាន " ។
អង់គ្លេសបានធ្លាក់ចេញពីក្របខ័ណ្ឌ UEFA Nations League បន្ទាប់ពីចាញ់បែលហ្សិក។ បើក្រឡេកមកមើលស្ថិតិវិញ អង់គ្លេសគ្រប់គ្រងបាល់បាន ៥៥% ហើយស៊ុត ១៦ជើង ឯបែលហ្សិកស៊ុតបាន ៨ជើង តែក្រុមទាំងពីរស៊ុតចំគោលដៅ ៣ដងដូចគ្នា៕