មកស្គាល់ស្មាត់ស្ដាំជម្រើសជាតិ ដែលគ្រប់គ្នាអាចមិនសូវស្គាល់ ប៉ុន្តែសមត្ថភាពមិនធម្មតា

2020-12-02 02:28:26
ចំនួនមតិ 0 | ចំនួនចែករំលែក 0

ចន្លោះមិនឃើញ

សឿន ហេង ជាកីឡាករបាល់ទះអាជីពដ៏ល្អម្នាក់របស់កម្ពុជា ហើយក៏ជាកីឡាករឆ្នើមក្នុងក្រុមវិសាខា ដែលបច្ចុប្បន្នមានតួនាទីជាស្មាត់ស្ដាំតំណែងលេខ១០ ដែលប្រិយមិត្តភាគច្រើនអាចមិនសូវស្គាល់ ប៉ុន្តែគេជាស្មាត់ដែលមានសមត្ថភាពមិនធម្មតា។

ស្មាត់ស្ដាំរូបនេះមានស្រុកកំណើតនៅភូមិឯករ៉ាម សង្កាត់ជើងទឹក ស្រុកកំពង់លាវ ខេត្ត ព្រៃវែង ។ យុវជនរូបនេះទើបតែមានវ័យ ២១ ឆ្នាំប៉ុណ្ណោះ ពោលគឺគេកើតថ្ងៃទី០២ ខែមេសា ឆ្នាំ១៩៩៩ មានកម្ពស់ ១,៨៣ ម៉ែត្រ បានចូលខ្លួនហ្វឹកហាត់បាល់ទះឆ្នាំ២០១៦ ជាមួយវិសាខា និងបានជាប់ជម្រើសជាតិឆ្នាំ២០១៩ ចេញទៅលេងនៅហ្វីលីពីន។

យុវជនរបស់ខេត្តព្រៃវែងរូបនេះមានបងប្អូន ៣ នាក់ប្រុសទាំងបី គេជាកូនទី១ក្នុងគ្រួសារ ឪពុកឈ្មោះ សៀក ហឿន មុខរបរកសិករ ម្ដាយឈ្មោះ សេង សាវឿន មុខរបរមេផ្ទះ។ យុវជនរូបនេះធ្លាប់ទទួលបានការបណ្ដុះបណ្ដាលនៅប្រទេសថៃបានប្រមាណជា ៣ ខែផងដែរ ដែលការទៅហាត់នៅថៃនេះក្រោមការដឹកនាំរបស់ក្លឹបវិសាខា ៕