ដំណឹងល្អ ! ផ្សារទំនើបអ៉ីអន បើកដំណើរការវិញហើយ

2020-12-02 08:16:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតទៅ ផ្សារទំនើបអ៉ីអនម៉ល ភ្នំពេញ បានបើកដំណើរការឡើងវិញហើយ បន្ទាប់ផ្អាកមួយរយៈ ដោយសារជាប់ពាក់ព័ន្ធព្រឹត្តិការណ៍ ២៨វិច្ឆិកា។

ផ្អែកតាមផេកផ្លូវការរបស់ អ៉ីអនម៉ល បានឲ្យដឹងថា ផ្សារទំនើបយើងខ្ញុំនឹងបើកដំណើរការជាធម្មតាវិញ ចាប់ពីថ្ងៃទី០២ ធ្នូ ២០២០ វេលាម៉ោង ៣រសៀល ចំណែកផ្សារលក់ទំនិញទូទៅនឹងបើកដំណើរការនៅម៉ោង១១ព្រឹក។

ទន្ទឹមនឹងបើកដំណើរការ ផ្សារទំនើបមួយនេះបានប្រកាសពីការថា នៅតែបន្តការអនុវត្តន៍គោលការណ៍ការពារជំងឺកូវីដ១៩ យ៉ាងប្រុងប្រយ័ត្ន និង យកចិត្តទុកដាក់ គិតពីសុវត្ថិភាពរបស់អតិថិជន និង បុគ្គលិកជាចំបង។

ដើម្បីការពារខ្លួនអ្នក និងអ្នកដទៃនៅជុំវិញ សូមអនុវត្តវិធីបង្ការមួយចំនួនតាមការណែនាំដូចខាងក្រោម៖

សូមពិនិត្យសីតុណ្ហភាពមុនពេលចូលផ្សារទំនើប អ៉ីអន ម៉ល (មិនអនុញ្ញាតិអោយចូលបើកំដៅចាប់ពី 37.5 អង្សារសេ)
សូមមេត្តាពាក់ម៉ាស (មិនអនុញ្ញាតិអោយចូលក្នុងផ្សារបើមិនពាក់ម៉ាស)
សូមលាងដៃជាមួយសាប៊ូ ឬ អាល់កុលអោយបានញឹកញាប់
សូមរក្សាគម្លាតសុវត្ថិភាពយ៉ាងតិច ១.៥ម៉ែត្រពីគ្នា នាដើម្បីទប់ស្កាត់ការឆ្លង និងការរីករាលដាលជំងឺកូវីដ១៩