ជួយ PSG ឈ្នះយប់មិញ Neymar ថាឆ្នាំក្រោយដឹងតែលេងជាមួយ Messi វិញ
- 2020-12-03 02:05:37
- ចំនួនមតិ 0 | ចំនួនចែករំលែក 0
ជួយ PSG ឈ្នះយប់មិញ Neymar ថាឆ្នាំក្រោយដឹងតែលេងជាមួយ Messi វិញ
ចន្លោះមិនឃើញ
ខ្សែប្រយុទ្ធ Neymar បានបង្ហើបគម្រោងចង់លេងជាមួយ Lionel Messi នៅរដូវកាលក្រោយនេះជាដាច់ខាត ក្រោយពីរូបគេរកគ្រាប់បាល់ជួយក្រុម PSG បាននៅយប់មិញ។
ក្រុម PSG បានសងសឹកក្រុម Manchester United បានសម្រេចហើយ ដោយយកឈ្នះក្នុងលទ្ធផល ៣-១ សម្រាប់ការប្រកួតសប្ដាហ៍ទី៥ពានរង្វាន់ UEFA Champions League ។ ដោយក្នុងចំណោម៣គ្រាប់នោះ Neymar រកបាន២គ្រាប់ម្នាក់ឯង ខណៈដែល១គ្រាប់ទៀតរកបានដោយ Marquinhos ។
ក្រោយពីការប្រកួតនេះទៅ Neymar កីឡាករសំខាន់របស់ក្រុម PSG បាននិយាយថា៖ “ខ្ញុំចង់លេងជាមួយ Messi ម្ដងទៀត។ អ្វីដែលខ្ញុំចង់ធ្វើបំផុតនោះ គឺបានលេងជាមួយគាត់ម្ដងទៀត។ ខ្ញុំចង់ឱ្យគាត់សប្បាយចិត្តក្នុងការលេងបាល់លើទីលានទៀត។ ខ្ញុំច្បាស់ណាស់រដូវកាលក្រោយយើងនឹងបានលេងជុំគ្នា”។
ការនិយាយបែបនេះ គឺសាមីខ្លួនមិនបានបញ្ជាក់ពីទីកន្លែងដែលច្បាស់ថានឹងបានលេងជុំគ្នានោះទេ ដោយអាចនឹងនៅ FC Barcelona វិញ ឬក៏នៅ PSG ។ ស្របពេលកុងត្រារបស់ Messi នៅក្រុមអ្នកមានបុណ្យនឹងអស់ត្រឹមរដូវកាលនេះហើយ។ កុងត្រាថ្មី នៅមិនទាន់មានការចុះជាផ្លូវការអ្វីនោះទេ៕