ខ្លាំងនៅតែខ្លាំង! Tho Meet ធ្វើបទថ្មីឲ្យ សុគន្ធ និសា មួយបទផ្ទុះសាហាវ
- 2020-12-04 03:05:40
- ចំនួនមតិ 0 | ចំនួនចែករំលែក 0
ខ្លាំងនៅតែខ្លាំង! Tho Meet ធ្វើបទថ្មីឲ្យ សុគន្ធ និសា មួយបទផ្ទុះសាហាវ
ចន្លោះមិនឃើញ
ចាប់តាំងពីបានចូលរួមជាមួយហង្សមាសប្រមាណ ២ខែ អ្នកនិពន្ធ Tho Meet បានបញ្ចេញស្នាដៃយ៉ាងច្រើន ឲ្យស្ទើរគ្រប់តារាចម្រៀងល្បីក្នុងផលិតកម្មនេះ ហើយថ្មីៗនេះទៀតសោត លោកទើបនឹងធ្វើបទអោយ សុគន្ធ និសា មួយបទ ផ្ទុះសាហាវតែម្ដង។
បទចម្រៀងថ្មីនេះមានចំណងជើងថា "ប្ដីលើផែនដី អស់ល្អត្រឹមប្ដីអូនហើយ!” ដែលចេញផ្លូវការកាលពីប៉ុន្មានថ្ងៃមុននេះ។ បទនេះ ទើបតែចេញជាវីដេអូសំឡេង(Video Audio) ប៉ុណ្ណោះ ដោយឡែកវីដេអូចម្រៀងផ្លូវការ មិនទាន់មានតម្រុយចេញពេលណានៅឡើយទេ។
ចំណុចគួរឲ្យចាប់អារម្មណ៍បទមនោសញ្ចេតនាលើកសរសើរពីស្វាមីមួយនេះ ទទួលបានការគាំទ្រខ្លាំងមែនទែន ពោលគឺ គ្រាន់តែចេញបានតែ ២ថ្ងៃប៉ុណ្ណោះ មានអ្នកចុចស៊ែរបន្តជាង២ម៉ឺននាក់ និងមានអ្នកទស្សនាដល់ទៅជិត ១លានដងឯណោះ។ សមិទ្ធផលមួយនេះ បានធ្វើឲ្យអ្នកនិពន្ធមានការភ្ញាក់ផ្អើលយ៉ាងខ្លាំង។
លោក Tho Meet ដែលជាអ្នកនិពន្ធបទចម្រៀងខាងលើទាំងទំនុកភ្លេង និងទំនុកច្រៀង បានបញ្ជាក់ថាលោករីករាយមែនទែន និងភ្ញាក់ផ្អើលខ្លាំង ព្រោះមិននឹកស្មានថា ស្នាដៃថ្មីរបស់លោកមួយនេះ ទទួលបានការចាប់អារម្មណ៍យ៉ាងនេះ។ អ្នកនិពន្ធល្បីរូបនេះ បានបន្តថា លោកបានចូលអាន Comment របស់ប្រិយមិត្តជាច្រើនទាំងរំភើប ក្នុងនោះលោកថា ពួកគេលើកសរសើរច្រើន។
លោកថ្លែងថា " ខ្ញុំឃើញខ្លះគាត់សរសើរលើសាច់ភ្លេង ហើយខ្លះក៏សរសើរចំពោះចំណងជើង ថាប្លែក ទាក់ទាញ និងបង្កប់ដោយមនោសញ្ចេតនាជ្រាលជ្រៅ។ ខ្ញុំសូមអរគុណដល់បងប្អូនដែលតែងតែគាំទ្រស្នាដៃថ្មីពីខ្ញុំបាទ THO MEETសូមកម្លាំងចិត្តម្នាក់មួយមកខ្ញុំនឹងមានអ្វីដែលថ្មីៗបន្តទៀតសំរាប់បងប្អូន។
Tho Meet បានចូលរួមជាមួយហង្សមាសបានប្រមាណ២ខែហើយ ហើយក្នុងរយៈពេលនេះលោកបានធ្វើបទឲ្យតារាចម្រៀងជួររបស់ហង្សមាសស្ទើរទាំងអស់ច្រៀង ហើយភាគច្រើន គឺទទួលបានការពេញនិយម។ លោកថា បន្តិចទៀត ប្រិយមិត្តនឹងទទួលបានចំណីអារម្មណ៍ប្លែកមួយបែបទៀតនាពេលមិនយូរខាងមុខ៕