រឿងពិតមួយចំនួនសំខាន់ៗរបស់ Xiao Zhan ដែលអ្នកមិនអាចស្មានដល់
- 2020-12-09 02:02:42
- ចំនួនមតិ 0 | ចំនួនចែករំលែក 0
រឿងពិតមួយចំនួនសំខាន់ៗរបស់ Xiao Zhan ដែលអ្នកមិនអាចស្មានដល់
ចន្លោះមិនឃើញ
Xiao Zhan គឺជាតារាចម្រៀង និងសម្ដែងចិន និងក៏ជាសមាជិកម្នាក់ប្រចាំក្រុម X NINE របស់ផលិតកម្ម Wajijiwa Entertainmentផងដែរ។ តារាប្រុសកើតឆ្នាំ ១៩៩១រូបនេះ បានចូលប្រឡូកក្នុងវិស័យសម្ដែងលើកដំបូងកាលពីឆ្នាំ ២០១៦ ក្នុងរឿង «Super Star Academy»។
ក្រៅពីដឹងថា តារាប្រុសរូបនេះពេញល្បីនាពេលបច្ចុប្បន្ន ជាបុរសសង្ហាប្រចាំទ្វីបអាស៊ី តើអ្នកដឹងអ្វីខ្លះផ្សេងទៀតពីលោក? យើងទៅដឹងទាំងអស់គ្នា៖
អ្នកកម្លោះដែលកើតនៅទីក្រុង Chongqing ប្រទេសចិនរូបនេះ ចូលចិត្តប្រភេទរូប Meme ណាស់។ អ្វីដែលលោកប្រាថ្នាគឺជីវិតបែបសាមញ្ញ មិនចូលចិត្តរញ៉េរញ៉ៃច្រើន។ Xiao Zhan បាននិយាយថា លោកជាមនុស្សមិនសូវក្លាហានទេ ហើយក៏មិនចូលចិត្តចេញទៅណាឆ្ងាយពីផ្ទះដែរ។
និយាយពីទេពកោសល្យ និងចំណង់ចំណូលចិត្តវិញ Xiao Zhan ចូលចិត្តលេងបាល់បោះ លេងហ្គេម ពូកែថតរូប ហើយស្រឡាញ់សត្វណាស់ ហើយបើមានពេលទំនេរលោកតែងយកពេលអានសៀវភៅ មើលរឿង និងហាត់ប្រាណ។ ម្យ៉ាងមុនក្លាយជាសមាជិកក្រុម X NINE លោកគឺជាអ្នករចនាក្រាហ្វិក។
លោកជាមនុស្សដែលសកម្មនឹងការងារ ហើយអ្វីដែលបានធ្វើ លោកពេញចិត្តបំផុត។ បើយោងតាមអ្នចាត់ការទូទៅរបស់លោកផ្ទាល់បាននិយាយថា Xiao Zhan ជាមនុស្សម្នាក់ដែលប៉ិនទ្រាំបំផុត ពេលណាមានសម្ពាធពីអ្វីមួយ លោកពូកែអត់ណាស់។
និយាយដល់មនោសញ្ចេតនា ពេលណាលោកនឹកអ្នកណាម្នាក់ លោកព្យាយាមធ្វើខ្លួនឯងឲ្យរវល់ ហើយ Xiao Zhan និយាយថាលោកអន់ខាងបង្ហាញអារម្មណ៍ពីចិត្តស្រឡាញ់តាមរយៈពាក្យសម្ដីដាក់អ្នកណាម្នាក់ណាស់។
ចូលដល់ជីវិតគូវិញ Xiao Zhan ថាឪពុកម្ដាយលោកធ្លាប់រៀបចំឲ្យណាត់ជួបជាមួយនឹងនារីម្នាក់កាលពីរៀនមហាវិទ្យាល័យ។ ប៉ុន្តែប្រាថ្នាពិតប្រាកដ លោកចង់ជ្រើសអ្នកណាដែលលោកស្រឡាញ់ ជាជាងអ្នកដែលស្រឡាញ់លោក ហើយ Xiao Zhan ក៏អាចទទួលយកស្នេហាដែលសាមញ្ញ មានន័យថាមិនចាំបាច់ Chat រកគ្នាគ្រប់ពេលដែរ ពោលគឺផ្ដល់សិទ្ធិឲ្យគ្នាទៅវិញទៅមក ឬជីវិតឯករាជ្យ មិនត្រូវហួងហែងពេកទេ។
ចំណែកមនុស្សក្នុងចិត្ត Xiao Zhan ប្រាថ្នាចង់បានអ្នកណាដែលពូកែលេងសើច ស្លូតបូត ហើយជាមនុស្សដែលលោកអាចចុះសម្រុងបានយ៉ាងល្អបំផុត និយាយឲ្យចំចរិតត្រូវគ្នាជាមួយលោក៕