កូវីដ ធ្វើឲ្យប្រដាល់គុនខ្មែរ ប្រដាល់សកល នៅមិនទាន់បានប្រកួតជើងឯកថ្នាក់ជាតិ ២០២០
- 2020-12-15 09:47:59
- ចំនួនមតិ 0 | ចំនួនចែករំលែក 0
កូវីដ ធ្វើឲ្យប្រដាល់គុនខ្មែរ ប្រដាល់សកល នៅមិនទាន់បានប្រកួតជើងឯកថ្នាក់ជាតិ ២០២០
ចន្លោះមិនឃើញ
ដោយសារតែផ្ទុះនៅព្រឹត្តិការណ៍ ៣ និង ២៨ វិច្ឆិកា ធ្វើឲ្យសហព័ន្ធប្រដាល់គុនខ្មែរ និងសហព័ន្ធប្រដាល់សកលត្រូវលើកពេលជាច្រើនដងក្នុងការប្រកួតជើងឯកថ្នាក់ជាតិ ឆ្នាំ២០២០ នេះ។
សហព័ន្ធកីឡាជាតិមួយចំនួនបានប្រកួតជើងឯកថ្នាក់ជាតិរបស់ខ្លួនរួចហើយ ដោយឡែកសម្រាប់សហព័ន្ធខ្លះទៀតក៏នៅមិនទាន់ប្រកួតនោះទេ ក្នុងនោះមានប្រដាល់គុនខ្មែរ និងសកលផងដែរដោយសារតែរំខានពីជំងឺកូវីដ នេះតែម្ដង។ កន្លងទៅសហព័ន្ធគុនខ្មែរ និងប្រដាល់សកលភាគច្រើនធ្វើការប្រកួតជើងឯកថ្នាក់ជាតិរបស់ខ្លួនអំឡុងខែវិច្ឆិកា ប៉ុន្តែដោយសារតែផ្ទុះព្រឹត្តិការណ៍ ៣ និង ២៨ វិច្ឆិកា ត្រូវលើកពេល និងពន្យាររហូតដល់សព្វថ្ងៃនេះដោយមិនទាន់បានបញ្ជាក់ថ្ងៃណានឹងធ្វើការប្រកួតនោះឡើយ។
រំលឹកដែរថា ថ្មីៗនេះបន្ទាប់ពីកម្ពុជាផ្ទុះមានព្រឹត្តិការណ៍ ២៨ វិច្ឆិកា នេះមកក្រសួងអប់រំ យុវជន និងកីឡា បានសេចក្ដីប្រកាសផ្អាកសកម្មភាពកីឡា មិនឲ្យមានការជួបជុំច្រើននាក់ និងផ្អាកឲ្យចូលក្នុងបរិវេណពហុកីឡដ្ឋានជាតិមួយរយៈពេលផងដែរ៕