វេលាទឹកជំនន់ គេធ្វើបទផ្ញើនាយទាហាន ដល់សម័យ កូវីដ ម៉ម សំនៀង ធ្វើបទផ្ញើអ្នកគ្រូពេទ្យម្នាក់!
- 2020-12-30 03:38:54
- ចំនួនមតិ 0 | ចំនួនចែករំលែក 0
វេលាទឹកជំនន់ គេធ្វើបទផ្ញើនាយទាហាន ដល់សម័យ កូវីដ ម៉ម សំនៀង ធ្វើបទផ្ញើអ្នកគ្រូពេទ្យម្នាក់!
ចន្លោះមិនឃើញ
អ្នកអធិប្បាយព័ត៌មានអន្តរជាតិប្រចាំទូរទស្សន៍បាយ័ន លោក ម៉ម សំនៀង ដែលមានទេពកោសល្យ និងនិស្ស័យសិល្បៈពេញខ្លួន ទើបបានបញ្ចេញបទចម្រៀងថ្មីមួយបទទៀតផ្ញើជូនទៅក្រុមលោកគ្រូ អ្នកគ្រូពេទ្យដែលជាប់ដៃទប់ទល់នឹងការយាយីរបស់ កូវីត១៩។
បទរបស់បងប្រុស ដួង វីរៈសិទ្ធិ មានចំណងជើងថា "អូនជាគ្រូពេទ្យ" ទើបចេញនៅលើបណ្ដាញសង្គម២ថ្ងៃកន្លងមកនេះ ដែលគ្រប់យ៉ាង ទាំងបទភ្លេង ទំនុកច្រៀង ឧបករណ៍ បច្ចេកទេសស្ទូឌីយ៉ូ គឺលោកធ្វើខ្លួនឯងទាំងអស់។ បទចម្រៀងថ្មី បានឆ្លុះបង្ហាញពីការពុះពាររបស់ក្រុមលោកគ្រូ អ្នកគ្រូពេទ្យកម្ពុជាទាំងអស់ ដែលលះបង់ភាពស្រណុកសុខស្រួល និងសូម្បីតែជីវិតផ្ទាល់ខ្លួន ទៅប្រឈមនឹងមេរោគចង្រៃ ដោយមិនរាថយ ដើម្បីប្ដូរយកសេចក្ដីសុខ និងសុវត្ថិភាពរបស់ជនរួមជាតិ១ប្រទេស។
ពលិកម្មមួយនេះ ពិតជាធំធេងណាស់...ពិសេសគឺសិល្បករ នៅមានការបារម្ភពីនារីម្នាក់ដែលមានភារកិច្ចដ៏សំខាន់នៅក្នុងបេសកកម្មលំបាក និងប្រថុយប្រថាននេះ។ ដូច្នេះហើយ បទចម្រៀងនេះ គឺផ្ញើជាពិសេសទៅនារីគ្រូពេទ្យម្នាក់នោះ ទុកជាការលើកទឹកចិត្ត និងជាពរជ័យសុំអោយនារីក្នុងជួរកងទ័ពអាវស សម្រេចបាននូវលទ្ធផលការងារទប់ស្កាត់ និងទប់ទល់កូវីត បានជោគជ័យ និងមានសុវត្ថិភាព ១០០% វិលមកជួបសាច់ញាតិ ក្រុមគ្រួសារវិញ ពិសេសគឺថា បុរសម្នាក់ កំពុងអន្ទះសាចាំ "អូនជាគ្រូពេទ្យ"។
តោះ ទស្សនា និងស្ដាប់បទថ្មីរបស់លោក ម៉ម សំនៀង ផ្ញើទៅអ្នកគ្រូពេទ្យម្នាក់ ទាំងអស់គ្នា!