Apple ទំនងជាខកចិត្តខ្លាំងនឹងលទ្ធផលលក់ iPhone មួយម៉ូដែលនេះ
- 2021-01-06 06:22:36
- ចំនួនមតិ 0 | ចំនួនចែករំលែក 0
Apple ទំនងជាខកចិត្តខ្លាំងនឹងលទ្ធផលលក់ iPhone មួយម៉ូដែលនេះ
ចន្លោះមិនឃើញ
របាយការណ៍ថ្មីពី Consumer Intelligence Research Partners (ហៅកាត់ថា CIRP) បានឲ្យដឹងថាត្រកូល iPhone 12 មានកាន់កាប់ចំណែកទីផ្សារ ៧៦% ក្នុងចំណោម iPhone ដែលលក់ចេញនៅអាមេរិកចាប់ពីខែតុលា ដល់ខែវិច្ឆិកា។
ក្នុងចំណោម iPhone 12 ទាំងបួនប្រភេទ មាន iPhone 12 ធម្មតាកាន់កាប់ចំណែកធំជាងគេគឺចំនួន ២៧%។ iPhone 12 Pro និង iPhone 12 Max មានចំណែកប្រមាណ ២០% ដូចគ្នា។ យ៉ាងណាក្ដី iPhone 12 mini មានកាន់កាប់ចំណែកត្រឹម ៦% ប៉ុណ្ណោះ ជាលទ្ធផលមួយដែលទំនងជាធ្វើឲ្យ Apple ខកចិត្តខ្លាំង។
អ្នកវិភាគ Mike Levin នៃ CIRP បានប៉ាន់ស្មានថាលទ្ធផលមិនល្អលើ iPhone 12 mini ទំនងជាដោយសារតែ iPhone XR បានធ្លាក់ថ្លៃនៅសល់ ៤៩៩ដុល្លារ និង iPhone 11 ធ្លាក់ថ្លៃនៅសល់ ៥៩៩ដុល្លារ ដែលជាតម្លៃដ៏គួរឲ្យចាប់អារម្មណ៍សម្រាប់អ្នកគាំទ្រ iPhone៕