រដ្ឋសភាអាមេរិក គ្រោងចោទប្រកាន់ទម្លាក់លោក Trump ពីតំណែងមុនពេលកំណត់
- 2021-01-11 03:06:27
- ចំនួនមតិ 0 | ចំនួនចែករំលែក 0
រដ្ឋសភាអាមេរិក គ្រោងចោទប្រកាន់ទម្លាក់លោក Trump ពីតំណែងមុនពេលកំណត់
ចន្លោះមិនឃើញ
សមាជិកគណបក្សប្រជាធិបតេយ្យនៃរដ្ឋសភាសហរដ្ឋអាមេរិកបានប្រកាសថា ពួកគេនឹងលើកឡើងពីបទចោទប្រកាន់ដើម្បីទម្លាក់លោកប្រធានាធិបតី Donald Trump ពីតំណែង លឿនបំផុតនៅក្នុងសប្ដាហ៍នេះ។
មូលហេតុចម្បងនៅពីក្រោយការចង់ទម្លាក់ Trump ដោយសារលោកនៅពីក្រោយការញុះញង់ក្រុមអ្នកគាំទ្រឲ្យតវ៉ានៅវិមានសភាដែលឈានដល់ការវាយប្រហារលើវិមានសភាកាលពីថ្ងៃពុធ។ ប្រសិនបើរដ្ឋសភានឹងចោទប្រកាន់ទម្លាក់លោក Trump ពីតំណែងមែន នោះនឹងមានសវនាការកាត់ក្ដីលើរឿងនេះនៅក្នុងព្រឹទ្ធសភា។
មេដឹកនាំកំពូលៗខាងគណបក្សប្រជាធិបតេយ្យនៅសភាក៏បានអំពាវនាវផងដែរឲ្យលោកអនុប្រធានាធិបតី Mike Pence ប្រើវិសោធនកម្មទី ២៥ នៃរដ្ឋធម្មនុញ្ញ ដែលនេះប្រហែលជាវិធីលឿនជាងនេះដើម្បីដកលោក Trump ចេញពីតំណែង៕