Firmino ចាត់ទុក Man Utd ជាសត្រូវខ្លាំងជាងគេរបស់ Liverpool ឆ្នាំនេះ
- 2021-01-17 04:56:40
- ចំនួនមតិ 0 | ចំនួនចែករំលែក 0
Firmino ចាត់ទុក Man Utd ជាសត្រូវខ្លាំងជាងគេរបស់ Liverpool ឆ្នាំនេះ
ចន្លោះមិនឃើញ
ខ្សែប្រយុទ្ធ Roberto Firmino បានចាត់ទុកក្រុមបិសាចក្រហម Manchester United គឺជាសត្រូវធំបំផុតរបស់ក្រុម Liverpool នារដូវកាលនេះ។
ក្រុមបិសាចក្រហម Manchester United នឹងត្រូវប្រកួតជាមួយក្រុម Liverpool នៅម៉ោង១១:៣០នាទីយប់នេះ សម្រាប់ការប្រកួតពានរង្វាន់ English Premier League ។ ការប្រកួតនេះដែរ ជាការប្រកួតរវាងក្រុមលេខ១កំពូលតារាង Man Utd ប៉ះក្រុមការពារតំណែងជើងឯក Liverpool ដែលកំពុងស្ថិតនៅលេខ២។ បើសិនជា Liverpool ចាញ់នោះនឹងមានគម្លាតដល់៦ពិន្ទុហើយ តែបើឈ្នះវិញ នោះនឹងមកឈរកំពូលតារាង។
ការប្រកួតសំខាន់នេះដែរ Firmino បាននិយាយមុនការប្រកួតថា៖ “ច្បាស់ណាស់ Manchester United ជាក្រុមកំពុងឡើងជើងមួយ ប្រហែលនេះជាឆ្នាំល្អរបស់គេ ប៉ុន្តែវាគ្មានអ្វីធ្វើឱ្យខ្ញុំភ្ញាក់ផ្អើលទេ ព្រោះនេះជាក្លឹបអស្ចារ្យមួយ ហើយការប្រកួតជាមួយយើងវាតែងតែពិសេសជានិច្ច។ ពេលនេះ យើងអាចនិយាយបានថាពួកគេជាក្រុមប្រជែងពានធំរបស់យើង”៕