Ole ប្រាប់កីឡាករ ត្រូវយក៣ពិន្ទុគ្រប់ប្រកួត ដើម្បីឈរកំពូលតារាងលើកពាន

2021-01-20 07:52:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបិសាចក្រហម Manchester United នឹងត្រូវតតាំងជាមួយក្រុម Fulham នៅយប់នេះ សម្រាប់ការប្រកួតពានរង្វាន់ English Premier League ។

សម្រាប់ការប្រកួតនៅយប់នេះដែរ ប្រសិនបើក្រុម Man Utd អាចទទួលបានជ័យជម្នះ នោះពួកគេនឹងឡើងទៅឈរនៅកំពូលតារាងវិញហើយ ប៉ុន្តែបើភ្លាត់ចាញ់នោះនឹងអស់ឱកាសត្រឹមសប្ដាហ៍នេះឯង ព្រោះគម្លាតពិន្ទុកៀកគ្នាខ្លាំងមែនទែន។ កត្ដាត្រូវការឈ្នះជាចាំបាច់នេះហើយ ទើបលោក Ole អ្នកចាត់ការក្រុម Man Utd ប្រាប់ឱ្យកីឡាករផ្ដោតលើការប្រកួតខ្លាំង។

លោក បាននិយាយថា៖ “យើងបានមកដល់ពាក់កណ្ដាលរដូវកាលហើយ និងបានឈរនៅគោលដៅដែលយើងចង់បាន។ តែការឡើងចុះកំពូលតារាងគឺនៅអាចកើតមានបានរាល់សប្ដាហ៍ វាមើលទៅពិតជាផុយស្រួយណាស់សម្រាប់ចំណាត់ថ្នាក់លេខ១ ដែលក្រុមទាំងអស់អាចយកបាន។ ដូច្នេះយើងត្រូវតែផ្ដោតលើគ្រប់ការប្រកួត ទាមទារឱ្យប្រឹងប្រែងអស់ពីសមត្ថភាព ទើបអាចរក្សាខ្លួនបាន។ ខ្ញុំសង្ឃឹមថាយើងនឹងធ្វើបាន ហើយអាចលើកពានរដូវកាលនេះ”៕

ប្រភព៖ Dailymail អត្ថបទ៖ វិធាវី