Google សម្រេចបង់លុយឲ្យអ្នកសរសេរអត្ថបទអនឡាញ សម្រាប់ប្រទេសមួយនេះ
- 2021-01-25 06:59:34
- ចំនួនមតិ 0 | ចំនួនចែករំលែក 0
Google សម្រេចបង់លុយឲ្យអ្នកសរសេរអត្ថបទអនឡាញ សម្រាប់ប្រទេសមួយនេះ
ចន្លោះមិនឃើញ
ក្រុមហ៊ុនបច្ចេកវិទ្យាយក្ស Google បានចុះកិច្ចព្រមព្រៀងផ្លូវការជាមួយនឹង សមាគម APIG-អ្នកបង្កើតមាតិកាលើអនឡាញ (Digital Content) ដ៏ធំមួយក្នុងប្រទេសបារាំង នៅថ្ងៃនេះ។ នេះបើតាមការចុះផ្សាយដោយសារព័ត៌មានបារាំង france24៖
កិច្ចព្រមព្រៀង Copyright payment រវាង Google និង APIG ខាងលើនេះមិនបានបញ្ជាក់ជាទំហំទឹកប្រាក់ប៉ុន្មាននោះទេ។ ផ្ទុយទៅវិញ Google បានបង្ហាញឲ្យឃើញពីលក្ខខណ្ឌនានានៅក្នុងសេចក្តីប្រកាសមានដូចជា គិតទៅលើចំនួនអត្ថបទចុះផ្សាយប្រចាំថ្ងៃ, ស្ថិតិចំនួនអ្នកតាមដានប្រចាំខែ(montly internet traffic), រួមនិងកញ្ចប់អត្ថបទនយោបាយ និងព័ត៌មានទូទៅ។
លោក Sebastien Missoffe ប្រធានគ្រប់គ្រងទូទៅ Googleប្រចាំប្រទេសបារាំង បានលើកឡើងថា៖ កិច្ចព្រមព្រៀងនេះគឺជា ជំហានបន្ទាប់ឈានទៅកាន់ទំព័រប្រវត្តិសាស្ត្រថ្មីនៃច្បាប់បច្ចេកវិទ្យា។
មុននឹងឈានដល់កិច្ចព្រមព្រៀងធំដុំនេះ Google ធ្លាប់តែបានចុះកិច្ចសន្យាជាលក្ខណៈបុគ្គលជាមួយស្ថាប័នសារព័ត៌មានបារាំងពីរមានឈ្មោះដូចជា Le Monde និង Le Figaro ។
ជម្រាបជូនផងដែរថា បារាំង គឺជាប្រទេសដំបូងបង្អស់នៅទ្វីបអឺរ៉ុប ដែលអាចសម្រេចបានជោគជ័យនេះ៕