មិនចោលទម្លាប់! Facebook សំងំផលិតបណ្ដាញសង្គមថ្មី ចម្លងតាមកម្មវិធីមួយដែលកំពុងល្បី

2021-02-11 03:16:45
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមការចុះផ្សាយរបស់ New York Times កាលពីថ្ងៃពុធបានឲ្យដឹងថា Facebook បានបង្កើតក្រុមការងារមួយដើម្បីធ្វើការលើគម្រោងការបណ្ដាញសង្គមថ្មីយកលំនាំតាមកម្មវិធីបណ្ដាញសង្គម Clubhouse ដែលជាកម្មវិធីកំពុងល្បី។

ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

គម្រោងការរបស់ Facebook គឺមានគោលបំណងផ្ដល់ជូននូវបណ្ដាញទំនាក់ទំនងតាមសារជាសំឡេងសុទ្ធ ប៉ុន្តែវានៅស្ថិតនៅដំណាក់កាលដំបូងៗនៅឡើយ។

គួរដឹងថាកម្មវិធី Clubhouse កំពុងតែមានប្រជាប្រិយភាពខ្លាំងឡើង ក្រោយពីបុគ្គលល្បីៗមានដូចជាលោក Elon Musk និងលោក Mark Zuckerberg បានចូលប្រើប្រាស់កម្មវិធីនេះ និងបានចូលរួមក្នុងការបញ្ចេញមតិជាសំឡេងផ្ទាល់ៗផងដែរ។

ចំណុចពិសេសមួយរបស់ Clubhouse គឺការប្រើប្រាស់សំឡេងតែម្យ៉ាងគត់ក្នុងការធ្វើទំនាក់ទំនង។ កម្មវិធី Clushouse នេះមិនមែនអាចចូលប្រើបានគ្រប់គ្នានោះទេ គឺទាល់តែមានការអញ្ជើញឲ្យចូលរួម ប៉ុន្តែមានការរំពឹងទុកថានឹងបើកឲ្យចូលប្រើបានគ្រប់គ្នាក្នុងពេលខាងមុខនេះ។

ទោះបីជា Facebook មិនទាន់បានបញ្ជាក់ជាផ្លូវការអំពីគម្រោងការនេះ ប៉ុន្តែកន្លងមក Facebook ធ្លាប់ចម្លងតាមមុខងារសំខាន់ៗរបស់គូប្រជែងជាច្រើនមកហើយ។ ជាក់ស្ដែងដូចជា Instagram Stories គឺជាការចម្លងតាមមុខងារលើ Snapchat៕

ប្រភព៖ Businessinsider ប្រែសម្រួល៖ សុខហេង