វិធីសាស្រ្តការពារខ្លួនពី Wi-Fi សាធារណ: មុននឹងបើកទូរសព្ទភ្ជាប់!
- 2021-02-15 07:00:00
- ចំនួនមតិ 0 | ចំនួនចែករំលែក 0
វិធីសាស្រ្តការពារខ្លួនពី Wi-Fi សាធារណ: មុននឹងបើកទូរសព្ទភ្ជាប់!
ចន្លោះមិនឃើញ
បណ្តាញ Wifi (Hotspots) គឺជាការតភ្ជាប់ឧបករណ៍បច្ចេកវិទ្យាដោយបណ្តាញឥតខ្សែ (Wireless) និងអាចដំណើរការបណ្តាញអ៊ីនធឺណេត។ យោងអត្ថបទចុះផ្សាយរបស់ Wiman បង្ហាញថា បណ្តាញតភ្ជាប់ Mobile Free Wi-Fi ក្នុងប្រទេសកម្ពុជាមានចំនួនប្រមាណ ១៨ ៧៣១ (ក្នុងនោះនៅរាជធានីភ្នំពេញមានប្រមាណ ១២ ៣៩៥) និងមួយចំនួនផ្សេងទៀតជាបណ្តាញ Wi-Fi ឯកជន។
ក្រុមការងារបច្ចេកទេសនៃនាយកដ្ឋានព័ត៌មានវិទ្យាថ្មីៗនេះ ក៏បានធ្វើការចែករំលែកដល់បងប្អូនប្រជាពលរដ្ឋដើម្បីធ្វើការស្វែងយល់និងការពារការលួចយកព័ត៌មានដោយយថាហេតុពីសំណាក់ជនអនាមិកបច្ចេកវិទ្យា (hacker) ។
ការប្រើប្រាស់ Wi-Fi សាធារណ:ជួយកាត់បន្ថយចំណាយកញ្ចប់អ៊ីនធឺណេត ប៉ុន្តែមានហានិភ័យមួយចំនួនដូចជា៖ មានការលួចស្កាត់យកទិន្នន័យចរាចរណ៍ (Network Traffic)ុំ ការជ្រៀតចូលម៉ាស៊ីនកុំព្យូទ័រ (Computer Hacking) និងការលួចយកលេខសម្ងាត់គណនី និងជ្រៀតចូលប្រព័ន្ធ (Systems Compromise) ។
ដូច្នេះសូមអនុវត្តវិធីសាស្ត្រមួយចំនួនខាងក្រោម ដើម្បីការពារខ្លួននៅពេលប្រើប្រាស់ Wifi សាធារណ:ដូចជា៖ ធ្វើការជ្រើសរើស Wifi Hotspot ដែលមានប្រភពច្បាស់លាស់, បើកដំណើរការប្រព័ន្ធ Host-based Firewall ក្នុងម៉ាស៊ីនកុំព្យូទ័រ ឬទូរស័ព្ទ, ប្រើប្រាស់បណ្តាញតភ្ជាប់ VPN ដែលមានប្រភពច្បាស់លាស់ និងទទួលស្គាល់ជាទូទៅ, ត្រូវប្រើប្រាស់គេហទំព័រ HTTPS ពេលបញ្ចូលព័ត៌មានសម្ងាត់ផ្សេងៗ, តម្លើង និងបើកដំណើរការកម្មវិធីកម្ចាត់មេរោគជាដើម។
អត្ថបទ៖ រក្សា | ប្រភព៖ នាយកដ្ឋានព័ត៌មានវិទ្យា ក្រសួងមហាផ្ទៃ