លេងនៅ Arsenalទើបតែបានម្ដងសោះ Odegaard ចង់ចែកផ្លូវពី Real ដាច់ស្រេច
- 2021-02-15 10:53:21
- ចំនួនមតិ 0 | ចំនួនចែករំលែក 0
លេងនៅ Arsenalទើបតែបានម្ដងសោះ Odegaard ចង់ចែកផ្លូវពី Real ដាច់ស្រេច
ចន្លោះមិនឃើញ
ខ្សែបម្រើន័រវែសកីឡាករ Martin Odegaard កំពុងតែពិភាក្សាពីលទ្ធភាពក្នុងការផ្លាស់មកក្លឹប Arsenal ជាអចិន្ត្រៃយ៍ នេះបើតាមការចុះផ្សាយរបស់សារព័ត៌មាន Goal។
សារព័ត៌មានមួយនេះបានចុះផ្សាយថា កីឡាករ Real Madrid ដែលកំពុងលេងនៅ Arsenal ក្នុងលក្ខខ័ណ្ឌខ្ចីជើងរូបនេះ កំពុងតែសុខស្រួលនៅទឹកដីនៃរាជធានីឡុងដុង ខណៈទើបតែលេងបានម្ដងគត់ ពេល Arsenal ប៉ះនឹង Leeds។
ចំពេលដែលខ្សែបម្រើអាល្លឺម៉ង់ កូនកាត់ទួរគី Mesut Ozil ចេញទៅបាត់ តំណែងអាវលេខ ១០ ទំនេរគ្មានម្ចាស់ ដែលជាឱកាសមួយសម្រាប់កីឡាករវ័យក្មេង Odegaard នេះបើតាមការសន្និដ្ឋានរបស់ Goal។
ខាងសាមីខ្លួនកាលពីពេលថ្មីៗនេះបានឆ្លើយតបរឿងលេង Arsenal ជាអចិន្ត្រៃយ៍ថា៖ " អ្នកមិនដឹងថាមានរឿងកើតឡើងទេនៅពេលខាងមុខ " ។ យ៉ាងណាក៏ដោយ ខាង Real Madrid មិនទាន់មានមតិយោបល់អ្វីនោះទេ ពាក់ព័ន្ធនឹងរឿងនេះ៕