ប្រធានក្លឹប PSG រងការជេរប្រមាថថាជា "ចោរ" ពីអ្នកគាំទ្រ Barca ពេលជាន់ដីអេស្ប៉ាញ
- 2021-02-16 09:29:14
- ចំនួនមតិ 0 | ចំនួនចែករំលែក 0
ប្រធានក្លឹប PSG រងការជេរប្រមាថថាជា "ចោរ" ពីអ្នកគាំទ្រ Barca ពេលជាន់ដីអេស្ប៉ាញ
ចន្លោះមិនឃើញ
ប្រធានក្លឹប PSG លោក Nasser Al-Khelaifi ត្រូវបានអ្នកគាំទ្ររបស់ Barcelona ជេរប្រមាថធ្ងន់ៗ បន្ទាប់ពីឈានជើងដល់ទឹកដីប្រទេសអេស្ប៉ាញ។
PSG ដែលជាក្លឹបអ្នកមាន កាន់កាប់ដោយលោក Khelaifi បានឆក់ទិញយក Neymar ពី Barcelona កាលពីឆ្នាំ២០១៧។ គួបផ្សំ PSG និង Barca ឧស្សាហ៍ជួបគ្នានៅ UCL ទៀត ធ្វើឲ្យក្លឹបទាំងពីរក្លាយជាសត្រូវលើទីលានតែម្ដង។
PSG បច្ចុប្បន្នកំពុងទាក់ទងចង់បានតារារបស់ Barcelona ម្នាក់ទៀតគឺ Lionel Messi ដែលមិនទាន់បន្តកុងត្រាថ្មី។ អ្នកគាំទ្រមួយចំនួនបានស្រែកដាក់ Nasser Al-Khelaifi ពេលដែលលោកធ្វើដំណើរមកដល់ទីក្រុង Barcelona ដើម្បីត្រៀមទស្សនាការប្រកួត UCL វគ្គ១៦ក្រុមចុងក្រោយ។
តាមរយៈវីដេអូដែលថតបាន គេបានសំឡេងជេរប្រមាថថា ៖"ឈប់ទាក់ទង Messi ទៅ, ចោរ"។ ក្នុងនោះក៏ឭពាក្យ "Son of a b**ch”។ Barcelona នឹងប៉ះជាមួយ PSG រាត្រីនេះម៉ោង៣:០០នាទីទៀបភ្លឺ៕