កក្រើក Twitter! Chanyeol ដាច់ចិត្តចេញលិខិតសុំទោសជាផ្លូវការចំពោះ EXO-L ហើយ
- 2021-02-25 01:59:44
- ចំនួនមតិ 0 | ចំនួនចែករំលែក 0
កក្រើក Twitter! Chanyeol ដាច់ចិត្តចេញលិខិតសុំទោសជាផ្លូវការចំពោះ EXO-L ហើយ
ចន្លោះមិនឃើញ
អ្នកគាំទ្ររបស់ EXO ទាំងអស់ពិតជាមានសេចក្ដីអំណរ និងរំភើបជាខ្លាំង សម្រាប់ការវិលត្រឡប់មកវិញរបស់ Chanyeol សមាជិក EXO ដែលបានដកខ្លួន មិនបង្ហាញវត្តមានលើបណ្ដាញសង្គមអស់រយៈពេលជាយូរ ក្រោយផ្ទុះចចាមអារ៉ាមស្នេហា។
នៅថ្ងៃនេះ Chanyeol បានបង្ហោះលិខិតមួយលើហ្វេនផេក LYSN របស់ EXO ដើម្បីសុំទោសដល់អ្នកគាំទ្រទាំងអស់របស់ខ្លួន សម្រាប់រឿងរ៉ាវទាំងឡាយដែលបានកើតឡើង។ ក្រោយពីបានចេញសុំទោសភ្លាម សមាជិក EXO រូបនេះក៏បានក្លាយជាប្រធានបទធំប្រចាំ Twitter រហូតចំនួន HAshtag #WELCOMEBACKCHANYEOL កើនឡើងរហូតជាប់លេខ ១នៅបណ្ដាប្រទេសជាច្រើន ដែលជាកត្តាបង្ហាញយ៉ាងច្បាស់ពីក្ដីស្រឡាញ់ដែល EXO-L មានចំពោះ Chanyeol ដែលរក្សាភាពរឹងមាំសម្រាប់គ្រប់គ្នា។
ជាមួយគ្នានោះ មិនមែនត្រឹមតែអ្នកគាំទ្រ EXO ទេ សូម្បី Fan របស់ GOT7 ក៏បានស្វាគមន៍ការវិលត្រឡប់របស់ Chanyeol ដែរ។
គួរដឹងផងដែរថា ការចេញមុខសុំទោសរបស់ Chanyeol ពេលនេះ គឺជាលើកដំបូងបង្អស់ក្រោយលោករក្សាផាបស្ងប់ស្ងៀមរយៈពេល ៤ខែ ដោយសារមានបញ្ហា ព្រោះចចាមអារ៉ាមស្នេហា។ ជាមួយគ្នានោះ ការសម្ដែងការសុំទោសជាផ្លូវការនេះ ក៏ជាផ្លូវនាំ Chanyeol មកកាន់សិល្បៈវិញដែរ ហើយគ្រប់គ្នាក៏ទន្ទឹងរង់ចាំស្នាដៃថ្មីៗរបស់តារារូបរូបនេះដែរ៕