ក្រុមហ៊ុនកែច្នៃម៉ូតូនៅក្នុងប្រទេសថៃ K-Speed Customs បានដាក់បង្ហាញម៉ូតូ Honda MSX Grom ថ្មី ដែលលេងបែប Off-road មើលទៅពិតជាទាក់ទាញខ្លាំងមែនទែន ហើយបានដាក់ឈ្មោះឲ្យវាថា Super Grom។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ម៉ូតូរហស្សនាម Super Grom នេះ ទទួលបានការអាប់ដេតសរុប ១៥ចំណុច ពោលគឺមួយជុំម៉ូតូតែម្តង។ បើប្រៀបធៀបជាមួយនឹងម៉ូតូ MSX Grom ធម្មតា អ្វីដែលជាចំណុចលេចធ្លោបំផុត និងគួរឲ្យកត់សម្គាល់មួយ គឺការបំពាក់កង់ Cross ដែលជួយឲ្យវាកាន់តែប្រសើរសម្រាប់ការបើកបរផ្លូវលំបាក។

ជាមួយគ្នានេះដែរ វាក៏បានដោះបំពង់ស៊ីម៉ាំងហ្ស៊ីនចោល ហើយបំពាក់បំពាក់ស៊ីម៉ាំងម៉ាក Diablo បើប្រៀបធៀបទៅមានប្រវែងខ្លីជាង ហើយជួយឲ្យវាមើលទៅ Classic ជាងទៀតផង។ បើតាមក្រុមហ៊ុន K-Speed Custom បានឲ្យដឹងថា ការលេងមួយជុំម៉ូតូនេះ គឺត្រូវចំណាយអស់ប្រមាណជា ៩២៩ដុល្លារ។

គួរឲ្យដឹងថា ម៉ូតូ Honda MSX GROM បានបំពាក់ចង្កឹះលេខអំប្រ៊ីយ៉ា ៥វគ្គ និងម៉ាស៊ីនកម្លាំង ១២៥សេសេ ជាមួយប្រព័ន្ធប៊ិចសាំង PGM-Fi ថ្មីផងដែរ។ លក្ខណៈពិសេសមួយចំនួនលើម៉ូតូខ្នាតតូចនេះមានដូចជា ចង្កៀងមុខ LED, កុងទ័រឌីជីថល LCD, ហ្វ្រាំងឌីសមុខ-ក្រោយ ជាមួយ ABS និងបច្ចេកវិទ្យា G-Sensor ជាដើម៕

កុំចាំយូរ! តោះឆែកតម្លៃ Honda MSX GROM ឆ្នាំ២០២១ កំពុងលក់នៅខ្មែរ

អត្ថបទ៖ សេង ឡុង