វឿន វ៉ា មិនដែលសង្ឃឹមថា បានលេងលីគកំពូលត្រឹមវ័យ ១៧ ឆ្នាំ

2021-03-03 02:35:39
ចំនួនមតិ 0 | ចំនួនចែករំលែក 0

ចន្លោះមិនឃើញ

លីគកំពូលកម្ពុជា នឹងចាប់ផ្ដើមនៅចុងសប្ដាហ៍នេះ សម្រាប់រដូវកាល២០២១។ រដូវកាលនេះក្រុមបាល់ទាត់ខេត្តព្រៃវែង ក៏បានបង្ហាញខ្លួនក្នុងលីគកំពូលកម្ពុជា ស្របពេលខ្សែប្រយុទ្ធវ័យ១៧ឆ្នាំ វឿន វ៉ា ថា ខ្លួនមិនដែលសង្ឃឹមបានបង្ហាញខ្លួនក្នុងលីគត្រឹមវ័យនេះឡើយ ។

យុវជនវ័យ១៧ ឆ្នាំខាងលើបានឲ្យដឹងថា ខ្លួនជាកីឡាករដែលមិនធ្លាប់ទទួលបានការហ្វឹកហាត់នៅសាលាបាល់ទាត់ជាតិបាទីឡើយ ហើយការចូលលេងបាល់ដំបូងនៅក្រុម Happy Football, Cambodia KMH និងបានចូលលេងនៅយុវជនវិសាខា ក្រោយមកផ្លាស់ទៅលេងឲ្យខេត្តព្រៃវែងនេះឯង។ រដូវកាលមុនគេរកបាន ១៦ គ្រាប់ឲ្យខេត្តព្រៃវែង និងជួយក្រុមនេះបានឡើងមកលេងលីគកំពូលកម្ពុជា។

យុវជនរូបនេះកើតថ្ងៃទី០៧ ខែឧសភា ឆ្នាំ២០០៣ នៅខេត្តព្រៃវែង។ មួយឆ្នាំពេញបង្ហាញខ្លួននៅ ព្រៃវែង ធ្វើឲ្យគេទទួលបានបទពិសោធកាន់តែច្រើន ក្នុងនាមជាកីឡាករអាជីពវ័យក្មេង។ យុវជនឆ្នើមរបស់ព្រៃវែងរូបនេះមានឪពុកឈ្មោះ វិន វឿន និង ម្ដាយឈ្មោះ ហឿន សារិន មានបងប្អូន ៣ នាក់គេជាកូនទី២ក្នុងគ្រួសារ។

អ្នកព្រៃវែងខាងលើជាកូនសោសំខាន់ម្នាក់របស់ក្រុមបាល់ទាត់ព្រៃវែង ក្នុងការរកគ្រាប់បាល់ ហើយក៏ជាយុវជនវ័យក្មេងម្នាក់អាចបង្ហាញខ្លួនក្នុងលីគកំពូល ដែលវាជាការលត់ដំខ្លួនក្នុងការប្រជែងកៅអីជម្រើសជាតិសម្រាប់អនាគតរបស់គេផងដែរ ៕