លោក Pep ចាត់ទុក Man Utd ជាគូប្រកួតត្រូវយកចិត្តទុកដាក់
- 2021-03-03 03:11:28
- ចំនួនមតិ 0 | ចំនួនចែករំលែក 0
លោក Pep ចាត់ទុក Man Utd ជាគូប្រកួតត្រូវយកចិត្តទុកដាក់
ចន្លោះមិនឃើញ
Manchester City បានបន្ថែមជ័យជម្នះរបស់ខ្លួន បន្ទាប់ពីយកឈ្នះ Wolves ៤-១ នៅយប់មិញក្នុងលីគកំពូលអង់គ្លេស ដែលជាការឈ្នះ២១ប្រកួតជាប់គ្នាគិតគ្រប់កម្មវិធី។
ត្បិតតែធ្វើបានល្អយ៉ាងនេះមែន ប៉ុន្តែសម្រាប់លោក Pep Guardiola មើលឃើញថាក្រុមមិនអាចធ្វេសប្រហែសបានឡើយ ជាពិសេសការប្រកួតបន្ដបន្ទាប់ទៀតដែលសុទ្ធតែជាការប្រកួតសំខាន់ៗ។ ខណៈដែលប៉ះ Manchester United នៅចុងសប្ដាហ៍នេះ ត្រូវបានលោក Pep ចាត់ទុកជាប្រកួតតានតឹងមួយជាក់ជាមិនខាន។
លោក Pep បាននិយាយថា៖ “Man Utd ជាអ្វីទាំងអស់ដែលយើងត្រូវមើលនិងតាមដានបច្ចុប្បន្ន។ យើងនឹងមើលទៅលើកំណត់ត្រានៅពេលលីគបញ្ចប់ … Man Utd ជារឿងសំខាន់ពេលនេះ។ ម្ចាស់ពានរង្វាន់គឺ Liverpool ពួកគេជាក្រុមការពារតំណែងជើងឯក។ យើងកំពុងនៅចំណាត់ថ្នាក់ល្អមួយរដូវកាលនេះ យើងនឹងព្យាយាមបន្ដ។ នៅសល់៣៣ពិន្ទុទៀតសម្រាប់យើងដើម្បីរក”៕