លេចរឿង Real ចង់លក់ Varane ទៅ United យកលុយទៅទិញតារាជើងស៊ុតរបស់ PSG ម្នាក់

2021-03-03 03:33:29
ចំនួនមតិ 0 | ចំនួនចែករំលែក 0

ចន្លោះមិនឃើញ

Real Madrid ត្រូវបានរាយការណ៍ចង់លក់ខ្សែការពារ Raphael Varane ទៅឲ្យ Manchester United ក្នុងរដូវក្ដៅនេះ ដើម្បីបង្កើនប្រាក់១៧៤លានផោនទុកទិញ Kylian Mbappe។

Varane ពេលនេះបានឈានដល់កុងត្រា១៨ខែចុងក្រោយរបស់គេជាមួយ Real ហើយអាចចាកចេញពីក្លឹបដោយគ្មានតម្លៃខ្លួននៅរដូវក្ដៅក្រោយ ប្រសិនបើគេមិនបន្តកុងត្រាបន្ថែមជាមួយក្លឹប។

យោងតាមសារព័ត៌មានអង់គ្លេសឲ្យដឹងថា Madrid ហាក់ពិបាកក្នុងការបន្ថែមកុងត្រាឲ្យ Varane បន្តនៅ Bernabeu ហើយចង់លក់គេចេញក្នុងតម្លៃ៦១លានផោន ប្រសើរជាងឲ្យគេចេញដោយគ្មានតម្លៃខ្លួន។ បញ្ហារវាង Varane និង Real ចរចាមិនទាន់ត្រូវគឺរឿងប្រាក់ឈ្នួល។

ក្នុងឱកាសបែបនេះបានធ្វើឲ្យ United មានឱកាសល្អ ខណៈពួកគេចាប់អារម្មណ៍កីឡាករសញ្ជាតិបារាំងជាយូរមកហើយ។ ហិរញ្ញវត្ថុរបស់ Real ពេលនេះមិនសូវល្អទេ ដូច្នេះពួកគេចង់លក់កីឡាករខ្លះដើម្បីយកលុយទៅទិញ Mbappe។ Varane វ័យ២៧ឆ្នាំជាកីឡាករសំខាន់ម្នាក់ដែលក្លឹបចង់លក់ចេញ៕

ប្រភព៖ Dailymail ប្រែសម្រួល៖ ហេង សុធារិទ្ធិ