ទើបតែខែ ៣សោះ ក្លឹបរបស់វីរបុរស Liverpool ឈ្នះពានលីគកំពូលបាត់
- 2021-03-08 11:40:17
- ចំនួនមតិ 0 | ចំនួនចែករំលែក 0
ទើបតែខែ ៣សោះ ក្លឹបរបស់វីរបុរស Liverpool ឈ្នះពានលីគកំពូលបាត់
ចន្លោះមិនឃើញ
ក្លឹបបាល់ទាត់ស្កុតឡែន Rangers បានឈ្នះពានលីគកំពូលស្កុតឡែន កាលពីយប់ម្សិលមិញនេះ ដោយលេងត្រឹមតែខែមីនាប៉ុណ្ណោះ ខណៈជាធម្មតានៅលីគអឺរ៉ុប យ៉ាងតិចខែឧសភា ទើបការប្រកួតលីគចប់ជាស្ថាពរ។
Rangers ដែលដឹកនាំដោយវីរបុរស Liverpool លោក Steven Gerrard បានឈ្នះលីគក្នុងប្រកួតសប្ដាហ៍ទី៣២ របស់ខ្លួន ដោយនៅខណៈពេលនេះដែរ ក្លឹបស្កុតឡែនមួយនេះកំពុងតែមាន ៨៨ពិន្ទុក្នុងដៃ ដោយដាច់នឹងក្លឹបលេខ ២ Celtic រហូតទៅដល់ ២០ពិន្ទុ។
សូមជម្រាបផងដែរថា ក្លឹបនៅលីគកំពូលស្កុតឡែនមានតែ ១២ក្លឹបប៉ុណ្ណោះ ហើយត្រូវលេងសរុប ៤៤ប្រកួត ដោយមួយរដូវកាលត្រូវជួបគ្នា ៤ដង។ វាជារឿងអស្ចារ្យសម្រាប់ Rangers ដែរ ដែលក្លឹបនេះឈ្នះលីគកំពូល ចំពេលខ្លួននៅសល់ ១២ប្រកួតទៀតឯណោះ៕