ស្ដែង! មួយជើងកណ្ដាលមុខ ធ្វើឲ្យអ្នកចាំទី Slavia Prague រយះក្បាលស្ញាច
- 2021-03-19 02:29:29
- ចំនួនមតិ 0 | ចំនួនចែករំលែក 0
ស្ដែង! មួយជើងកណ្ដាលមុខ ធ្វើឲ្យអ្នកចាំទី Slavia Prague រយះក្បាលស្ញាច
ចន្លោះមិនឃើញ
Ondrej Kolar អ្នកចាំទីរបស់ Slavia Prague បានរបួសក្បាលយ៉ាងធំត្រង់ចំណុចថ្ងាស់ បន្ទាប់ពីត្រូវមួយជើងរបស់ខ្សែប្រយុទ្ធ Kemar Roofe នៃក្រុម Rangers។
Roofe ត្រូវបានបណ្ដេញចេញពីទីលាននៅនាទី៦១ អំឡុងពេលការប្រកួត Rangers ចាញ់ Slavia ២-០ នៃជើងទីពីរពាន Europa League។ សរុបទាំងពីរជើង Slavia ឈ្នះ ៣-១ បានឡើងទៅកាន់វគ្គ៨ក្រុមចុងក្រោយ។
ហេតុការប៉ះទង្គិចគ្នាកើតឡើងនៅវគ្គទីពីរ ពេលដែល Roofe ធាក់បាល់បញ្ចូលទី តែជើងរបស់គេបានហួសទៅចូលមុខរបស់ Ondrej ធ្វើឲ្យមានការឈឺចាប់យ៉ាងខ្លាំង។ Ondrej ត្រូវបានគេសែងចេញពីទីលាន ប្ដូរជំនួសវិញដោយអ្នកចាំទី Matyas Vagner។
តាមរយៈរូបភាពបានបង្ហាញ Ondrej រយះថ្ងាស់យ៉ាងធំ ខណៈនៅក្រោមភ្នែកខាងឆ្វេងក៏មានរបួសដូចគ្នា។ ក្រោយកើតហេតុ Roofe ត្រូវបានអ្នកគាំទ្រប្រើពាក្យរើសអើងពូជសាសន៍លើបណ្ដាញសង្គម Instagram៕