រូបថតដ៏កម្ររវាង Elon Musk និង CEO Amazon និយាយគ្នាពីមហិច្ឆតារួមមួយ
- 2021-03-23 08:59:53
- ចំនួនមតិ 0 | ចំនួនចែករំលែក 0
រូបថតដ៏កម្ររវាង Elon Musk និង CEO Amazon និយាយគ្នាពីមហិច្ឆតារួមមួយ
ចន្លោះមិនឃើញ
ការជួបគ្នាដ៏កម្ររវាងលោក Jeff Bezos និង Elon Musk កាលពី ១៧ឆ្នាំមុន ត្រូវបានគេចែកចាយនៅលើបណ្តាញសង្គម Twitter ហើយទទួលបានការចាប់អារម្មណ៍យ៉ាងខ្លាំង។
មហាសេដ្ឋី Amazon និងមហាសេដ្ឋី SpaceX បានចេញទៅក្រៅញ៉ាំអាហារជាមួយគ្នានៅឆ្នាំ២០០៤ ដោយពួកគេទាំងពីរបាននិយាយគ្នាអំពីគម្រោងក៏ដូចជាមហិច្ឆិតារួមមួយ **គឺចង់បញ្ជូនមនុស្សទៅកាន់អវកាស និងផលិតគ្រាប់រ៉ុកកែតដែលអាចប្រើប្រាស់ឡើងវិញបាន។** នេះបើយោងទៅតាមខ្លឹមសារដែលបានចែករំលែកដោយគណនី Twitter បុគ្គលឈ្មោះ Trung Phan មានតួនាទីជាអ្នកសារព័ត៌មាននៅគេហទំព័រអាជីវកម្ម Hustle និងជាអ្នកដែលបានបង្ហោះរូបថតមួយសន្លឹកនេះ កាលពីដើមខែមីនា។
សម្រាប់លោក Jeff Bezos បង្កើតបានក្រុមហ៊ុនអវកាសឯកជនមួយឈ្មោះថា Blue Origins កាលពីឆ្នាំ ២០០០ កំពុងដំណើរការនៅឡើយ។ ក្រុមហ៊ុន Blue Origins ក៏កំពុងដំណើការគម្រោងបាញ់បង្ហោះផ្កាយរណបចូលគន្លងតារាវិថីក្នុងរយៈកម្ពស់ទាបបំផុតពីផែនដី។
ចំណែកឯលោក Elon Musk វិញបង្កើតបានក្រុមហ៊ុនអវកាសឯកជនមួយដែរឈ្មោះថា SpaceX កាលពីឆ្នាំ ២០០២ កំពុងទទួលបានប្រជាប្រិយភាពយ៉ាងខ្លាំង ហើយក៏កំពុងក្លាយជា ក្រុមហ៊ុនឯកជនដំបូងគេបង្អស់មានសមត្ថភាពអាចបាញ់បង្ហោះចូលគន្លងតារាវិថីទៅដាក់នៅស្ថានីយ៍អវកាសអន្តរជាតិដោយជោគជ័យ នៅដើមឆ្នាំ ២០២០ ។ គម្រោង Starlink របស់ SpaceX បានក្លាយជាផ្កាយរណបចុងក្រោយបង្អស់បាញ់បង្ហោះផ្កាយរណបចូលគន្លងតារាវិថីក្នុងរយៈកម្ពស់ទាបបំផុតដូចគ្នា ស្ថិតនៅចន្លោះពី ៥៥០-៥៧០ គីឡូម៉ែត្រពីផែនដី។
គួររំឮកបន្តិចថា អ្នកទាំងពីរខាងលើសុទ្ធតែមានប្រវត្តិក្នុងអាជីវកម្មអស្ចារ្យណាស់ដូចដែលអ្នកធ្លាប់បានដឹងរួចហើយមក និងជាពិសេសក្នុងឆ្នាំ ២០២១ ពួកគាត់បាន បុគ្គលជាប់ឈ្មោះជា អ្នកមានទ្រព្យច្រើនជាងគេលំដាប់លេខ១ និងលេខ ២ បន្តគ្នាធ្វើឲ្យពិភពលោកភ្ញាក់ផ្អើលជាខ្លាំង៕