ប្រកួតមិនឈ្នះគេសុំលាអ្នកទាំងអស់គ្នា! បច្ចេកវិទ្យាបញ្ជាដោយសំឡេងធ្លាប់ជាគូប្រជែង Apple

2021-04-02 03:58:16
ចំនួនមតិ 0 | ចំនួនចែករំលែក 0

ចន្លោះមិនឃើញ

Cortana គឺឈ្មោះបច្ចេកវិទ្យាបញ្ជាដោយសំឡេងដែលមានងារថាជាជំនួយការដ៏ឆ្លាតវៃ។ វាត្រូវបានបង្កើតឡើងដោយក្រុមហ៊ុន Microsoft ល្បីល្បាញអំឡុងឆ្នាំ ២០១៥ ដែលគេយកវាមកដាក់បញ្ចូលក្នុងស្មាតហ្វូននិងកុំព្យូទ័រ។ គួរឲ្យសោកស្ដាយត្រឹមពាក់កណ្ដាលឆ្នាំ ២០២១ នេះជាថ្ងៃអវសាន្តរបស់ Cortana ហើយព្រោះតែក្រុមហ៊ុនបានសម្រេចបញ្ចប់ជីវីតមិនឲ្យមានវត្តមានលើ App Store និង Play Store តទៅទៀតទេ មានន័យថា វាមិនអាចគាំទ្រឬដំណើការបានឡើយលើ iOS និង Android ។

Cortana លើទូរសព្ទ

បើអ្នកធ្លាប់កាន់ iPhone ច្បាស់ជាស្គាល់បច្ចេកវិទ្យាដោយសំឡេង Siri ដោយឡែក Cortana វាដំណើការដូចគ្នាអីចឹងដែរ ឥឡូវនេះអ្នកក៏នៅមានឳកាសប្រើវានៅឡើយសម្រាប់តែកុំព្យូទ័រដំណើការដោយ Windows គ្រាន់តែស្វែងរកពាក្យ Cortana រួចសាកប្រើទើបដឹងថា វាឆ្លាតប៉ុណ្ណា។

រំលឹកបន្តិចថា Cortana នេះដំបូងឡើយមាននៅ Windows 10 PCs ឆ្នាំ ២០១៥ និង Window Phone បន្តមកមានលើស្មាតហ្វូន។ យ៉ាងណាមិញសូម្បីតែនាយកប្រតិបត្តិ Microsoft ក៏សារភាពថា បច្ចេកវិទ្យានេះត្បិតតែវាឆ្លាត តែមិនអាចប្រជែងឈ្នះ digital assistants ផ្សេងៗទៀតដូចជា៖ Alexa របស់ Amazon, បច្ចេកវិទ្យា assistant របស់ Google ឬ Siri របស់ Apple ទាំងកន្លងមកវាទទួលបានការកោតសរសើរគួរសមពីសំណាក់អ្នកអភិវឌ្ឍកម្មវិធី៕