ស្វែងយល់ពីការធ្វើការរបស់ Honda ក្នុងការជម្រើសរើសកីឡាករជម្រើសជាតិ
- 2021-04-06 02:33:43
- ចំនួនមតិ 0 | ចំនួនចែករំលែក 0
ស្វែងយល់ពីការធ្វើការរបស់ Honda ក្នុងការជម្រើសរើសកីឡាករជម្រើសជាតិ
ចន្លោះមិនឃើញ
ក្រុមជម្រើសជាតិកម្ពុជា នឹងត្រូវមានភារកិច្ចទៅប្រកួតជម្រុះ World Cup ក្នុងពូល C នៅសល់៣ប្រកួតទៀតនៅទឹកដីប្រទេសបារ៉ែន ចន្លោះពីថ្ងៃទី៣ ដល់ថ្ងៃទី១១ ខែមិថុនា ឆ្នាំ២០២១ ដែលការជ្រើសរើសកីឡាករជម្រើសជាតិលោក Honda ក៏ចូលរួមពិភាក្សារជាមួយគ្រូបង្វឹក Ryu Hirose និងចូលរួមប្រជុំជាប្រចាំតាមរយៈប្រព័ន្ធអេឡិចត្រូនិក។
បើតាមលោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជាបានឲ្យដឹងថា ការជ្រើសកីឡាករជម្រើសជាតិលោក Ryu Hirose កំពុងតាមដាន។ បន្ទាប់ពីតាមដានលោកគ្រូបង្វឹក នឹងបោះព័ត៌មានមានទាំងវីដេអូជាដើម ទៅកាន់លោក Honda បន្ទាប់ពីអ្នកចាត់ការខាងលើឯកភាពថា អាចយកបានទើបលោក Ryu សម្រេចតាមក្រោយ។
ចំណែកការសម្រេចជ្រើសឈ្មោះកីឡាករ២៣ នាក់ចុងក្រោយសម្រាប់ជម្រើសជាតិវិញ គឺស្ថិតនៅលើលោក Honda ជាអ្នកសម្រេចបន្ទាប់ពីលោកបានដឹង និងស្គាល់សមត្ថភាពកីឡាករម្នាក់ៗ។ ដោយឡែកក្រុមការងារនៅកម្ពុជាដែលមានទាំងគ្រូបង្វឹកផ្សេងៗ គឺតែងមានការប្រជុំជាប្រចាំជាមួយលោក Honda ក្នុងកិច្ចការងារខាងលើនេះ។
កម្ពុជា នឹងត្រូវប្រកួតជាមួយបារ៉ែន នៅថ្ងៃទី០៣ ខែមិថុនា បន្ទាប់មក អ៊ីរ៉ង់ នៅថ្ងៃទី០៧ ខែមិថុនា ហើយការប្រកួតចុងក្រោយជាមួយអ៊ីរ៉ាក់ នៅថ្ងៃទី១១ ខែមិថុនា លើទឹកដីកណ្ដាល នាប្រទេសបារ៉ែន ។ ចំណែកលោក Honda កំពុងប្រកបអាជីពបាល់ទាត់នៅក្លឹប Neftchi Baku នៃលីគកំពូលប្រទេស អាហ្សេបេប៊ីជេ ៕