Haaland និយាយមួយម៉ាត់នេះពេលមកដល់ Etihad ធ្វើឲ្យអ្នកគាំទ្រ City រំភើបខ្លាំង

2021-04-06 03:05:25
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្ររបស់ Manchester City បង្ហាញអារម្មណ៍រំភើបខ្លាំង បន្ទាប់ពី Erling Haaland និយាយពាក្យមួយម៉ាត់ ខណៈដើរចូលទីលាននៃកីឡដ្ឋាន Etihad ដើម្បីហ្វឹកហាត់។

Man City នឹងត្រូវស្វាគមន៍ Borussia Dortmund វគ្គ៨ក្រុមចុងក្រោយ Champions League នៅរាត្រីនេះម៉ោង២:០០នាទីរំលងអាធ្រាត្រ។ Haaland បច្ចុប្បន្នជាកីឡាករកំពុងរះលេចធ្លោខ្លាំង បន្ទាប់ពីរកបាន៣៣គ្រាប់ ក្នុងការលេង៣២ប្រកួតគិតគ្រប់កម្មវិធីនៅរដូវកាលនេះ។

មុនពេលដើរចូលទីលាននៃកីឡដ្ឋាន Etihad កីឡាករសញ្ជាតិន័រវេសវ័យ២០ឆ្នាំបានលាន់មាត់សរសើរកីឡដ្ឋានស្អាត ដែលសម្ដីនេះធ្វើឲ្យអ្នកគាំទ្រ City រំភើបមិនតិចនាក់ទេ។ City ជាក្លឹបដែលឪពុករបស់ Haaland លោក Alf-Inge ធ្លាប់លេងឲ្យរវាងឆ្នាំ២០០០-២០០៣។

ក្រោយឮសម្ដីរបស់ Haaland អ្នកគាំទ្រម្នាក់បានសរសេរលើបណ្ដាញសង្គម Twitter ថា៖ "សង្ឃឹងថាទីនេះនឹងក្លាយជាផ្ទះរបស់គេថ្មីនៅឆ្នាំក្រោយ"។ ឯម្នាក់ទៀតថា៖ "អ្នកគួរតែលេងនៅទីនេះនៅឆ្នាំក្រោយ"។ តាមប្រភពផ្សេងៗឲ្យដឹងថា ប្រសិនបើ City ចង់បាន Haaland អាចនឹងចំណាយខ្ពស់ដល់ទៅជាង១៥០លានផោន៕

ប្រភព៖ Dailymail ប្រែសម្រួល៖ ហេង សុធារិទ្ធិ