គ្រូ Porto ថា Chelsea កាន់តែសាហាវ ក្រោយចាញ់ West Brom នៅលីគ
- 2021-04-07 08:00:05
- ចំនួនមតិ 0 | ចំនួនចែករំលែក 0
គ្រូ Porto ថា Chelsea កាន់តែសាហាវ ក្រោយចាញ់ West Brom នៅលីគ
ចន្លោះមិនឃើញ
ក្រុម Porto នឹងត្រូវប្រកួតជាមួយក្រុម Chelsea នៅរាត្រីនេះ សម្រាប់ការប្រកួតពានរង្វាន់ UEFA Champions League វគ្គ៨ក្រុមចុងក្រោយជើងទី១។
លោក Sergio Conceicao អ្នកចាត់ការក្រុម Porto បានអះអាងថាការប្រកួតនៅរាត្រីនេះនឹងតឹងតែងខ្លាំង។ Chelsea បន្ទាប់ពីបរាជ័យក្រោមថ្វីជើងក្រុម West Brom នៅលីគមក ពួកគេនឹងប្រយ័ត្នជាងមុន ហើយអ្វីដែលសំខាន់ទៀតនោះ ពួកគេនឹងប្រឹងប្រែងដើម្បីស្វែងរកជ័យជម្នះមកវិញ។ បរាជ័យ១ប្រកួតមុនប៉ះជាមួយក្រុម Porto ហាក់ដូចជាការដាស់ក្រុមតោខៀវ ឱ្យភ្ញាក់ពីតំណេកដូច្នេះដែរ។
យ៉ាងណាមិញ បើក្រឡែកទៅមើលក្រុម Porto កន្លងមកវិញ ក៏មិនអន់ដែរ។ ពួកគេបានឡើងមកដល់វគ្គ៨ក្រុមនេះ ដោយទម្លាក់ក្រុមខ្លាំងJuventus បាននៅវគ្គ១៦ក្រុម។ ស្របពេលប្រវត្តិរបស់ក្លឹបនេះទៀតសោត ក៏ជាក្រុមធ្លាប់ឈ្នះពានរង្វាន់ UEFA Champions League មួយដែរ ត្បិតអីមិនមែនស្ថិតក្នុងក្របខណ្ឌលីគលំដាប់កំពួលទាំង៥នៅអឺរ៉ុបក៏ដោយ៕