គ្រាន់ដឹងថាអ្នកទៅចូលរួមកម្មវិធីជាមួយឆ្លងកូវីដ Bella Ranee ប្រញាប់ទៅតេស្តភ្លាម ឥឡូវលទ្ធផលចេញហើយ

2021-04-12 02:46:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្របពេលសង្គមសិល្បៈថៃពេលនេះផ្ទុះករណីឆ្លងកូវីដ១៩ជាថ្មី បានបណ្ដាលឲ្យតារាជាច្រើននាក់សម្រុកទៅធ្វើតេស្តជាបន្តបន្ទាប់ ដោយលទ្ធផលវិជ្ជាមាន ខ្លះអវិជ្ជមាន។ ដោយឡែកកាលពីម្សិលមិញ Bella Ranee ក៏បានបង្ហាញលទ្ធផលពីការធ្វើតេស្តដែរគឺ អវិជ្ជមាន។

ដោយសារ Bella Ranee បានទៅចូលរួមកម្មវិធីប្រគល់ពានរង្វាន់ Thai Film Director Association Awards កាលពីថ្ងៃទី០៤ ខែមេសា ឆ្នាំ២០២១ ចំពេលដែរករណីកូវីដ ១៩ ត្រូវផ្ទុះឡើងជាថ្មី ហើយពេលនោះក៏មានព័ត៌មានថាអ្នកចូលរួម ២នាក់មានផ្ទុកមេរោគកូវីដ ក្រោយលទ្ធផលតេស្តចេញមកនៅថ្ងៃទី១០ ខែមេសាបង្ហាញថា វិជ្ជមាន។

ទោះបីនាងមិនបានទាក់ទាងផ្ទាល់ជាមួយនឹងអ្នកជំងឺ ប៉ុន្តែ Bella ក៏សម្រេចថាត្រូវទៅធ្វើតេស្តភ្លាមៗដែរ។ ជាសំណាងល្អពេលនេះលទ្ធផលរបស់ Bella ចេញមកគឺ អវិជ្ជមាន។ ប៉ុន្តែទោះជាយ៉ាងណា នាងក៏ត្រូវធ្វើចត្តាឡីស័ករយៈពេល ១៤ថ្ងៃបន្តទៀត ដើម្បីធានាសុវត្ថិភាពអ្នកជុំវិញខ្លួន ពិសេសដើម្បីកាន់តែច្បាស់ថានាងពិតជាមានសុវត្ថិភាពពិតប្រាដមែន។

លទ្ធផលតេស្ត

អមជាមួយនឹងការប្រកាសពីលទ្ធផលតេស្ត Bella ក៏អរគុណដល់គ្រប់គ្នាដែលបានបារម្ភពីនាង ហើយជូនពរទាំងអស់គ្នាឲ្យមានសុវត្ថិភាព និងអាចឆ្លងផុតពីការឆ្លងមេរោគសាហាវនេះឲ្យបាន៕