Mourinho តបទៅ Ole វិញម៉ាឆ្ងាញ់មាត់ ក្រោយរិះគន់លើ Heung-min Son
- 2021-04-12 02:48:48
- ចំនួនមតិ 0 | ចំនួនចែករំលែក 0
Mourinho តបទៅ Ole វិញម៉ាឆ្ងាញ់មាត់ ក្រោយរិះគន់លើ Heung-min Son
ចន្លោះមិនឃើញ
លោក Jose Mourinho បានប្រតិកម្មមិនសប្បាយចិត្តលើលោក Ole Gunnar Solskjaer បន្ទាប់ពីអ្នកចាត់ការរបស់ Manchester United រូបនេះរិះគន់លើ Heung-min Son។
Solskjaer បានតវ៉ាថា Son បានធ្វើពុត បន្ទាប់ពី Scott McTominay បានគ្រវាសដៃប៉ះមុខគេបន្តិច ធ្វើឲ្យអាជ្ញាកណ្ដាលសម្រេចមិនឲ្យគ្រាប់ដំបូងទៅកាន់ Man Utd ពេលដែល Edinson Cavani ទាត់ចូល។
ក្រោយបញ្ចប់ការប្រកួត អ្នកចាត់ការរបស់ United បានប្រាប់ Sky Sport ថា៖ "ខ្ញុំចង់និយាយថា ប្រសិនបើកូនរបស់ខ្ញុំត្រូវមិត្តភ័ក្ដប៉ះចំមុខបន្តិច ហើយគេដួល៣នាទី និងឲ្យមិត្តផ្សេងទៀត១០នាក់ជួយលើក ខ្ញុំនឹងឈប់ឲ្យបាយគេហូបហើយ”។
បន្ទាប់ពីឮសម្ដីនេះលោក Mourinho បានឆ្លើយតបទាំងមិនសប្បាយចិត្តថា៖ “ខ្ញុំសូមប្រាប់អ្នករឿងខ្លះ។ ខ្ញុំពិតជាភ្ញាក់ផ្អើលខ្លាំង បន្ទាប់ពី Ole និយាយទៅកាន់ Sonny។ ខ្ញុំចង់ប្រាប់ថា Sonny ពិតជាសំណាងខ្លាំងណាស់ ដែលឪពុករបស់គេជាមនុស្សល្អជាង Ole។ ខ្ញុំគឺជាឪពុកម្នាក់។ អ្នកត្រូវតែចិញ្ចឹមកូនៗរបស់អ្នកជានិច្ច ទោះពួកគេបង្កបញ្ហាអ្វីក៏ដោយ”៕